پاکستان کا جمھوری سٹال

اگر آپ آج کے پاکستان کو عالمی جمہوری میلے کی نمائش میں سٹال تصور کر سکیں تو مجھے اپنی بات کہنے میں کچھ آسانی ہوجائے گی۔
آئیے کچھ دیر کے لیے میرے ساتھ پاکستانی سٹال کی جانب ۔

سامنے کی دیوار پر قائد اعظم کی پورٹریٹ لٹکی ہوئی ہے اور اس کے نیچے تین نعرے ہیں۔ اتحاد ، تنظیم ، یقینِ محکم۔ اس تصویر کا مصرف یہی ہے کہ اس کے نیچے یہ تینوں نعرے درج ہو سکیں۔

تصویر کے دائیں، بائیں اوپر نیچے رائفلز ٹنگی ہوئی نظر آ رہی ہیں ، یہ جی تھری رائفلز ہیں اور کام بھی اکثر یہیں آتی ہیں۔

کیا آپ کبھی پرانے شکاریوں کے ڈرائنگ رومز میں گئے ہیں ؟

اکثر ان ڈرائنگ رومز کی کسی ایک دیوار پر بطور ٹرافی ہنوط شدہ بارہ سنگھے کا سر ایک لکڑی کی پلیٹ پے نصب ہوتا ہے۔ بالکل اسی طرح آپ کو پاکستان کے اس جمہوری سٹال کی بائیں دیوار پے تیرہ محفوظ کیے گئے سر قطار سے لگے ہوئے نظر آ رہے ہوں گے ۔

یہ پچھلے اٹھاون برس میں جمع کی گئی ٹرافیاں ہیں اور یہ سب کے سب سر وزراء اعظم کے ہیں جو اقتدار کی زہرخورانی کا شکار ہو گئے ۔ ان سروں کو محفوظ کرنے کا مقصد یہ ہے کہ یہ جمہوری رہنما آج بھی ہمیں کتنے یاد اور عزیز ہیں۔ یہ محفوظ سر اس نمائش میں اسلام آباد کے قومی میوزیم سے بطور خاص لائے گئے ہیں۔

اور یہ سامنے کے کاؤنٹر پے ایک سفید رنگ کی عمارت کا ماڈل بھی رکھا ہوا ہے۔ اس عمارت کا نام ہے پارلیمنٹ جو پاکستانی جمہوریت کا سمبل ہے۔ اس کا مصرف یہ ہے کہ ہر چند سال بعد اس میں ڈھائی تین سو افراد جمع ہو کے شوروغل کرتے ہیں اور پھر ان کی جگہ نئے لوگ لے لیتے ہیں۔

اور اس کاؤنٹر پے یہ جو آپ کو ایک چوڑے چکلے سینے والے چابک دست سے صاحب نظر آ رہے ہیں یہی اس سٹال کے منتظم اور روحِ رواں ہیں۔ ان کے دائیں جانب آپ کو دو فون سیٹ دکھائی دے رہے ہوں گے۔ لیکن یہ کوئی عام فون نہیں بلکہ دو ہاٹ لائنیں ہیں ۔ سرخ فون پر صرف باہر سے کال آتی ہے اور سبز فون سے صرف راولپنڈی بات ہو سکتی ہے۔

ان کے برابر میں یہ جو آپ کو ایک اکیلا سا مائکرو فون دکھائی دے رہا ہے ایسے مائیکرو فون ہماری پارلیمنٹ کی بنچوں پے درجنوں کی تعداد میں نصب ہیں۔ اور آج کل کام بھی کر رہے ہیں۔

تو یہ ہے اس جمہوری سٹال کا مختصر تعارف ۔

اب اگر آپ کے ذہن میں کوئی سوال ہو تو سٹال کے منتظم کو اس کا جواب دینے میں خوشی ہوگی۔ تو کیجیے سوال۔

اردو بلاگرز
ویسے تو سارے اردو بلاگرز اپنی مثال آپ ہیں اور سب کی تحریریں لاجواب بھی ہوتی ہیں مگر ان میں سے کچھ بلاگرز کی تحریروں کو میں ذاتی طور پر پسند کرتا ہوں ۔ ان میں سے خاور کھوکھر ، افضل صاحب ( میرا پاکستان والے ) افتخار احمد بھوپال ، اردو دان اور بدتمیز اول ( ایم ایس این سپیس والے ) قابلِ ذکر ہیں۔
اس کا یہ مطلب نہیں کہ باقی اردو بلاگرز کی تحریروں کو میں پسند نہیں کرتا مگر قابلِ ذکر بلاگرز کی تحریروں میں ایک علیحدہ چاشنی ہے۔ان کی سب تحریروں میں کوئی نہ کوئی پیغام ہوتا ہے کہ بندہ سوچتا رہ جائے اور خود کو نوچتا بھی۔
بدتمیز اول اور خاور کھوکھر کی حالیہ تحریریں پڑھیں لطف آ گیا۔خاصی تلخ تحریریں تھیں کوشش کی کہ دونوں کے بلاگ پر جا کر تبصرہ بھی کروں مگر دونوں کے بلاگ میری پہنچ سے باہر تھے۔بلاگ سپاٹ اب پی کے بلاگ سے بھی نہیں کھلتا شاید کہ پاکستان میں اس پراکسی کو بھی بند کر دیا گیا ہے۔اور ایم ایس این سپیس میرے جیسے غریب آدمی کے براؤزر کو ویسے ہی بلاک کر دیتی ہے۔
میرا ان دونوں دوستوں اور دوسرے بلاگ سپاٹ والے دوستوں کو یہ مشورہ ہے کہ برائے مہربانی کچھ پیسے ویسے خرچ کر کے اپنا کوئی انتظام کریں۔تاکہ ہم جیسے لوگوں کا بھلا ہو کیونکہ آپ ہیں کہ آپ سب دوستوں کو اس چیز کا احساس ہی نہیں ہے کہ آپ کی تحریروں کو پڑھنے کے لئے کیا کیا جتن کرنے پڑتے ہیں۔ویسے آپس کی بات ہے کہ اتنے جتن تو ہم نے کبھی کسی حسینہ کو منانے کے لئے نہیں کئے
اردو بلاگرز
ویسے تو سارے اردو بلاگرز اپنی مثال آپ ہیں اور سب کی تحریریں لاجواب بھی ہوتی ہیں مگر ان میں سے کچھ بلاگرز کی تحریروں کو میں ذاتی طور پر پسند کرتا ہوں ۔ ان میں سے خاور کھوکھر ، افضل صاحب ( میرا پاکستان والے ) افتخار احمد بھوپال ، اردو دان اور بدتمیز اول ( ایم ایس این سپیس والے ) قابلِ ذکر ہیں۔
اس کا یہ مطلب نہیں کہ باقی اردو بلاگرز کی تحریروں کو میں پسند نہیں کرتا مگر قابلِ ذکر بلاگرز کی تحریروں میں ایک علیحدہ چاشنی ہے۔ان کی سب تحریروں میں کوئی نہ کوئی پیغام ہوتا ہے کہ بندہ سوچتا رہ جائے اور خود کو نوچتا بھی۔
بدتمیز اول اور خاور کھوکھر کی حالیہ تحریریں پڑھیں لطف آ گیا۔خاصی تلخ تحریریں تھیں کوشش کی کہ دونوں کے بلاگ پر جا کر تبصرہ بھی کروں مگر دونوں کے بلاگ میری پہنچ سے باہر تھے۔بلاگ سپاٹ اب پی کے بلاگ سے بھی نہیں کھلتا شاید کہ پاکستان میں اس پراکسی کو بھی بند کر دیا گیا ہے۔اور ایم ایس این سپیس میرے جیسے غریب آدمی کے براؤزر کو ویسے ہی بلاک کر دیتی ہے۔
میرا ان دونوں دوستوں اور دوسرے بلاگ سپاٹ والے دوستوں کو یہ مشورہ ہے کہ برائے مہربانی کچھ پیسے ویسے خرچ کر کے اپنا کوئی انتظام کریں۔تاکہ ہم جیسے لوگوں کا بھلا ہو کیونکہ آپ ہیں کہ آپ سب دوستوں کو اس چیز کا احساس ہی نہیں ہے کہ آپ کی تحریروں کو پڑھنے کے لئے کیا کیا جتن کرنے پڑتے ہیں۔ویسے آپس کی بات ہے کہ اتنے جتن تو ہم نے کبھی کسی حسینہ کو منانے کے لئے نہیں کئے
پاکي بلاگ
http://pakiblog.com

انتہا پسندی کا مرض اور علاج

ایک مکالمہ

(مریض کلینک میں داخل ہوکر ڈاکٹر کے پاس ایک اسٹول پر معائنے کی غرض سے بیٹھ جاتا ہے۔)

مریض-: السلام علیکم ڈاکٹر صاحب!

ڈاکٹر -: (مغرب کا دلدادہ اور روشن خیال)
Good Morning (صبح بخیر)۔
مریض-: ڈاکٹر صاحب! میں بہت بیمار رہنے لگا ہوں۔ برائے مہربانی میرا علاج فرمادیں۔
ڈاکٹر -: (چہرہ اور اثراتِ چہرہ نوٹ کرنے کے بعد)
تمہیں قوم ، ملت اور امت کا درد ہے۔ ‘’انتہا پسندی’’ کا ‘’بخار’’ اور ‘’دہشت گردی’’ کا ‘’السر’’ ہے لیکن فکر مت کرو میری دوائی سے تمہارا یہ درد ‘’بالکل ختم’’ ہوجائے گا۔ ویسے یہ امراض بہت ‘’خطرناک’’ ہیں۔
مریض-: (پریشان ہوکر) جناب کیا اس بیماری سے انسان مرجاتا ہے؟
ڈاکٹر -: جی نہیں۔۔۔۔۔۔ لیکن اتنے ‘’خطرناک مریض’’ سے جراثیم دوسرے لوگوں کو منتقل ہونے کا خطرہ ہوتا ہے ،لہٰذا ‘’حفظ ماتقدم’’ کے طور پر ‘’پروفیسر سام’’ کے حکم سے اس کو ‘’زمین بُرد’’ کردیا جاتا ہے۔
مریض-: ڈاکٹر صاحب! یہ ‘’پروفیسر سام’’ کون ہے؟
ڈاکٹر -: (ہنستے ہوئے) تم پروفیسر سام کو نہیں جانتے۔ یہ سات سمندر پار کا وہی پروفیسر ہے جو تمام دنیا کے سرکردہ ڈاکٹروں (حکمرانوں) کو تربیت ، حکم اور سرٹیفکیٹ جاری کرتا ہے۔
مریض-: جناب اس پروفیسر کے حکم کی کیا اہمیت ہے؟
ڈاکٹر -: (کانوں کو ہاتھ لگاتے ہوئے) تم بہت انجان اور بھولے بھالے معلوم ہوتے ہو۔ لو پھر سنو۔۔۔۔۔۔۔۔۔۔۔۔ اگر کوئی ڈاکٹر پروفیسر صاحب کا حکم ماننے سے انکار کردے تو پروفیسر صاحب فوراً جان جاتے
(Diagnosis )
کرلیتے ہیں کہ اس ‘’ڈاکٹر’’ کو ‘’مریضوں’’ کے ساتھ میل ملاپ رکھنے سے ‘’انتہا پسندی کا بخار’’ اور ‘’ٹیررازم کا سرطان (Cancer)‘
ہوچکا ہے۔ جو مزید کئی ‘’ڈاکٹروں’’ کو منتقل ہوسکتا ہے۔ لہٰذا پروفیسر صاحب کے حکم پر اسے ‘’کروز فینک (Cruise Fenac)’’
کا انجکشن لگایا جاتا ہے۔ حالت زیادہ خراب ہونے پر B-52 ایمبولینس’’ کے ذریعے ‘’پتھر ہسپتال’’ منتقل کیا جاسکتا ہے، لہٰذا فوری حکم مان لینا بہت بڑی سعادت مندی ہے۔
مریض-: (تجسس سے) جناب کیا کبھی کسی ڈاکٹر نے پروفیسر سام کا حکم نہ ماننے کی جسارت کی ہے؟
ڈاکٹر -: جی ہاں۔ ہمارے ساتھ والے ‘’محلے’’ میں ‘’ڈاکٹر عمر’’ صاحب رہتے ہیں۔ ان کے ‘’محلے’’ میں پچھلے کئی سالوں سے اس ‘’بیماری’’ کے جراثیم ‘’خطرناک’’ حد تک بڑھ گئے تو پروفیسر سام کو فکر لاحق ہوئی کہ کہیں یہ جراثیم ان کے ‘’محلے’’ تک نہ پہنچ جائیں ، لہٰذا بیماری کے تدارک کے لئے انہوں نے بار بار ‘’ڈاکٹر عمر’’ کو ‘’نسخہ’’ لکھ کر بھیجا۔ لیکن انہوں نے یہ ‘’نسخہ’’ استعمال کرنے سے انکار کردیا۔ نتیجتاً پروفیسر صاحب خود اس ‘’محلے’’ میں ‘’تشریف’’ لے آئے، تاکہ ‘’جہادی فالج’’ میں مبتلا ڈاکٹر اور اس کے محلے والوں کا علاج کیا جاسکے۔ یہ بڑے دکھ کی بات ہے کہ ڈاکٹر عمر کی ‘’گستاخی’’ کی وجہ سے پروفیسر صاحب کو سات سمندر پار سے خود آنا پڑا۔
مریض-: تو کیا جناب وہ تمام مریض ٹھیک ہوگئے؟
ڈاکٹر -: نہیں۔ ان میں سے اکثر مریض ‘’پاگل’’ ہوگئے۔ انہوں نے پروفیسر صاحب کے ‘’میڈیکل کیمپ’’ پر حملے کئے اور ان کے کئی ‘’کمپاؤنڈروں (Dispensers)’’ کو موت کے گھاٹ اتار دیا جبکہ بقیہ مریضوں کو ‘’Tab. MOM’’ کھلاکر سلادیا گیا۔
مریض-: بھلا ڈاکٹر عمر نے پروفیسر سام کا حکم کیوں نہ مانا؟
ڈاکٹر -: (آہ بھر کر) ‘’ڈاکٹر عمر’’ نے چھوٹی سی ‘’غلطی’’ کرکے اپنا ‘’محلہ’’ تباہ کروالیا۔ ہوا یوں کہ پروفیسر سام نے ‘’ڈاکٹر عمر’’ کو
“Syp Nifakoze” خود اور مریضوں کو استعمال کروانے کی ہدایت کی لیکن ڈاکٹر عمر نے اتنی ‘’کڑوی دوا’’ پینے اور پلانے سے انکار کردیا ، لہٰذا مجبوراً پروفیسر صاحب خود اس ‘’مقدس مشن’’ میں مصروف ہوگئے۔
مریض-: یہ تو ڈاکٹر عمر نے بہت برا کیا جو ‘’پروفیسر سام’’ کا کہنا نہ مانا۔
ڈاکٹر -: بالکل ٹھیک کہا تم نے۔ پروفیسر صاحب کا حکم نہ ماننا سراسر بے ادبی اور بے وقوفی ہے۔ یہ سب لوگ جو حکم نہیں مانتے ‘’گستاخ
(rude)’’ ہیں۔
مریض-: (اکتاکر) چھوڑیئے ڈاکٹر صاحب ان تمام باتوں کو۔ اب میرا علاج کیسے ممکن ہے؟
ڈاکٹر -: آپ کا علاج سوفیصد (100%) ممکن ہے ،مگر آپ کو کچھ ادویات کا استعمال اور احتیاطیں کرنا ہوں گی تاکہ آپ مکمل صحت یاب ہوکر دنیا کی رنگینیوں سے لطف اٹھا سکیں۔
(ڈاکٹر نسخہ لکھ کر سمجھاتے ہوئے) یہ پیلی والی گولی
‘’( Tab.Modernofin500mg)’’ ہے جو آپ کو قوم اور ملت سمیت امت کے درد سے نجات دے گی۔یہ گولی تین بار کھانی ہے۔ یہ دوسری لال والی Anti jihadocine ہے جسے اینٹی فنڈامنٹلسٹ کیپسول فنڈالون
‘’( Cap. Fundalone1000mg)’’ کے ساتھ صبح شام لینا ہے۔اورہاں یہ یونانی شربت ‘’Syp. Roshan Khayaly’’
شربت ‘’روشن خیالی’’ چار چار گھنٹے پر ضروراستعمال کریں۔اس کا کوئی سائڈ ایفکٹ نہیں ہے ۔ ایک اور بات کا خاص دھیان رکھیں کہ آج کل بازار میں نقلی دوائیں بہت آگئی ہیں ۔لیکن ابھی بھی’’کمیونسٹو فارما سیوٹیکلز’’ (Communisto Pharmaceuticals)’’
کی دوائیں بہتر ہیں۔
مریض-: لیکن ڈاکٹر صاحب یہ دوائی ملے گی کہاں؟
ڈاکٹر -: (کلینک کے شیشے میں سے باہر اسٹور کی طرف اشارہ کرتے ہوئے) وہ سامنے ‘’بے غیرت کیمسٹ اینڈ ڈرگسٹ’’ ہے۔ اس کے بالکل ساتھ ‘’سیکولر میڈیکوز’’ہے ،وہاں آپ کو یہ دوائیں انتہائی آسانی سے مل جائیں گی۔ اگر پھر بھی مشکل پیش آئے تو میرا اسسٹنٹ باہر بیٹھا ہے جو آپ کی اچھی طرح رہنمائی کرے گا۔
مریض-: ڈاکٹر صاحب! میں غریب آدمی ہوں۔ میرے پاس اتنی ساری دوائی خریدنے کے لئے پیسے کہاں سے آئیں گے؟
ڈاکٹر -: احمق یہ دوائی روپے پیسے سے نہیں غیرت کے بدلے میں ملتی ہے۔
مریض-: (ہڑبڑاکر) یعنی آپ کا مطلب ہے کہ میں بے غیرت بن جاؤں !
(انتباہ کرتے ہوئے) کان کھول کر سن لیجئے ڈاکٹر صاحب! میں اسی ‘’بیماری’’ میں مرنا اعجاز سمجھوں گا لیکن میں اتنا بھولا بھالا بھی نہیں کہ بے غیرت بن کر جیؤں اور رہی بات پروفیسر سام کی تو میں اسے بھی خوب اچھی طرح ‘’دیکھ’’ لوں گا۔
(مریض نسخہ (Prescription) پھاڑ کر ڈاکٹر کی میز پر پھینکتا ہے اور بڑبڑاتا ہوا کلینک سے باہر نکل جاتا ہے۔

Nice work

بقلم تنویر عالم قاسمی
پاکستان میں ایمرجنسی کے اسباب . . . . . کیا یہ صحیح ہیں ؟ ؟ ؟

دنیا جانتی ہے کہ پاکستان کی بنیاد اسلام اور مسلمانوں کے نام پر رکھی گئی ہے، اس کا اصلی نام “ اسلامی جمہویہ پاکستان ،،ہے اس کی بنیاد میں ان بے گناہ لاکھوں مسلمانوں کا خون شامل ہے جو تقسیم ہند کے وقت فرقہ وارانہ فسادات کا شکار ہوے تھے۔ ہماری گذشتہ نسل نے اپنے جگر کے ٹکڑوں ، گھر اور اپنے اثاثوں کے درمیان ایک لکیر کھینچتے ہوے خاموشی سے دیکھی تھی ، اپنے ہی جسم کو بوٹیوں میں بٹنے کی تکلیف برداشت کی سرحد کے آر پار تقسیم کا خونی منظر اسلئے دیکھا کیوں کہ وہ سمجھتے کہ پاکستان کی شکل میں ایک ایسا ملک وجود میں آنے والا ہے جو اسلامی قوانین ، شریعت محمدی ، اور آئین خدا وندی کا نفاذ کرکے دنیا کے سامنے ایک ایسی مملکت کا خاکہ پیش کریگاجس میں صرف اور صرف اسلام ہوگا، اسلام کی جھلک ہوگی ، ساری دنیا میں ایک انمول نمونہ بنے گا اور اسلام کی ایک نئی اور خوشنما تاریخ مرتب ہوگی۔ انہیں امیدوں کے سہارے اپنی بسی بسائی دنیا اپنے ہی ہاتھوں سے اجاڑ کر اپنے خوابیدہ وطن پاکستان پہنچ گئے، وہ یہ سوچ رہے تھے کہ اب ہمیشہ کی فرقہ وارانہ کشیدگی ،آپسی اختلافات اور خون خرابے سے نجات مل جائے گی لیکن پا کستا ن کی 60 سالہ تاریخ شاہد ہے کہ ایسا کچھ نہیں ہوا۔
پا کستان پہنچنے پر معاملہ اس کے برعکس تھا اب وہ ایک مسلمان ہی نہیں تھے بلکہ کہیں وہ بنگالی مسلم تھے ،کہیں سندھی ،کہیں پنجابی ،کہیں پختون ،اور کہیں مہاجر۔
ہندوستان سے زخم کھاکرجانے والوں کا زخم مندمل ہونے کی بجائے اور زیادہ تازہ ہوگیا اسی زخم کو ناسور بنایا پاکستان کی مطلق العنان فوج اور وہاں کی کرسی کے بھوکے سیاسی آمروں نے، جس کی وجہ سے آج تک وہاں کی عوام نے نہ تو اسلامی نظام ہی دیکھا اور نہ ہی اصلی جمہوریت کا کھل کر مزہ لیا، فوجی جرنلوں اور سیاسی آمروں نے پاکستان کی عوام کو ہمیشہ اسلام اور اسلامی جمہوریت کے نام پرگمراہ کیا،فوج ہو یا عوامی رہنما سب نے ہی پاکستان کو اپنے سیاسی مقاصد کی تکمیل کے لئے استعمال کیا اور بعد میں چبائی ہوی ہڈی کی طرح پھینک دیا،اسی کی ایک جھلک گذشتہ چند دنوں سے جنرل پرویز مشرف کی طرف سے لگائی گئی ایمرجنسی کا اعلان ہے۔
بہر حال یہ تو پاکستان کا داخلی معاملہ ہے جس پر ہمیں کچھ کہنے کی زیادہ گنجائش نہیں ، لیکن سردست پرویزمشرف کے اس فیصلہ سے مسلمانوں کو جو تکلیف پہنچی ہے وہ یہ ہے کہ مشرف نے اپنے حکم اورفیصلہ میں نفاذ ایمرجنسی کے اسباب میں سے ایک اہم اور خاص سبب“ اسلامی دہشت گردی “بتایا ہے، اس طرح مشرف نے اسلام مخالف قوتوں اور خصوصا امریکہ اور ہندوستان کی بدنام زمانہ گروہوں R.S.S، بجرنگ دل اور شیوسینکوں جیسی مکروہ ذہن رکھنے والی گروہوں کو جو پہلے ہی سے اسلام اور مسلمانوں کے خلاف بر سر پیکار ہیں ایک قوی سند اور دلیل پیش فراہم کردیا۔
اس وقت جو تشویش ناک امر ہے وہ یہ ہے کہ اسلام مخالف قوتیں جو ہمیشہ سے دہشت گردی کو اسلام کے ساتھ جوڑنے کی ناپاک کوششیں کررہی ہیں ، ایک مضبوط مسلم ملک کے سر براہ کے ذریعہ دہشت گردی کے خلاف لئے گئے فیصلہ میں “ اسلامی دہشت گردی “ کے الفاظ استعمال کرانے میں یہ اسلام مخالف طاقتیں کامیاب ہوگئیں اور گویا ان طاقتوں نے ایک طرح سے مسلم ملک کے حکمراں کی باضابطہ اپنے نظریہ کی حمایت قانونی اور دستوری طورپرحاصل کرلی ، پاکستان کے صدر کیزبان و عمل اس بات کی نشاندہی کرتا ھے کہ جنرل پرویز مشرف نظریاتی اورعملی طورپرامریکہ کے دام فریب میں گرفتار ہوگیا ہے۔
پرویز مشرف نے اپنے فیصلہ میں دہشت گردی کو اسلام کے ساتھ جوڑ کر ایک تاریخی غلطی کی ہے جس کے لئے پرویزمشرف کو مسلمانان عالم سے معافی مانگنی چاہئے ، دہشت گردی کے ساتھ “ اسلام“ کے لفظ کا استعمال استعمال کرکے پرویز مشرف نے مسلمانان عالم کو سخت ایذا پہنچائی ہے اگر وہ ایسا نہیں کرتے ہیں تو ان کا یہ عمل مسلمانان عالم کے نزدیک ہمیشہ اسلام مخالف تصور کیا جاتا رہیگا اور ان کی تاریخ حیات میں یہ فیصلہ ایسے سیاہ فیصلہ کی شکل میں درج ہوگا جس کی تلافی ممکن نہیں ہوگی۔
tanveeralamqasmi@yahoo.co.in
Address: http://www.inikah.com
Address:# 42 , Nandi Durga Road ,Bangalore-46 India
Mob:919945631954