میر کیا سادہ ہیں بیمار ہوئے جس کے سبب
اسی عطار کے لونڈے سے دوا لیتے ہیں

ماشاءاللہ آپ کی مفید تجاویز سے تو ہمیں اتفاق ہے مگر میر اور غالب ی طرح آپ بھی سادہ دل ثابت ہوئے ہیں۔

اس سادگی پہ کوں نہ مر جائے اے خُدا

محترم! اگر ایسا کرنا ہی ہوتا تو جب بیس لاکھ کے لگ بھگ لوگ مروا کر پاکستان بنایا گیا اور پاکستان کا مطلب کیا لا الہ الا اللہ جیسے دلآویز نعروں سے ہندؤستان کے مسلمانوں کے خوابوں کو جو تعبیر پاکستان کے ابن الوقت حکمرانوں نے دی ہے ۔ وہ آپ کے اور سب کے سامنے ہیں۔

یہ جانتے ہوئے بھی کہ ان سے پیشتر بہت سے حکمرانوں کی ، ان سے پیشروؤں کی ہڈیاں تک قبر میں مٹی ہوچکی ہونگی مگر ریاستِ پاکستان میں مسلمانوں کو بتدریج موجودہ حشر تک پہنچانے کا عذاب انکی گردنوں پہ ہر لمحہ ہر آن برستا ہوگا۔ کہ نیز جو لوگ خدا بنے بیٹھے ہیں عنقریب ہے کہ وہ بھی اسی جگہ پہنچائے جانے والے ہیں۔ مگر اس کے باوجود یہ ریاست پاکستان کو ایک اسلامی فلاحی ریاست بنائے جانے میں ہر وہ روڑہ اٹکانے سے باز نہیں آتے۔ جس سے مخلوقِ خدا کو کچھ سہولت ملے۔

یہ احکاماتِ الہٰی کو پس پیش چھوڑتے احکاماتِ امریکہ کو اولین جانتے ہوئے ہر وہ کام کرنا باعث افتخار سمجھتے ہیں جس سے ملتِ پاکستان کے آزار میں دن بدن اضافہ ہو رہا۔

ہم میں اور ہندوؤں میں سوائے مذھب کے کوئی خاص فرق نہیں۔ ہم اور ھندو صدیوں سے اکھٹے رہتے آئے تھے ایک دوسرے کی بولیاں ، زبانیں، بھاشائیں سب سمجھتے تھے۔ عادات اطوار، میلے، ٹھیلے، عید، دیوالی، رمضان ، جودھ بھرت ، نکاح ، اگنی پھیرے، رام ، سلام ۔ حتیٰ کہ ایک ہیروز دوسری قوم کے دشمن۔ اسقدر فرق ۔ اسقدر تضاد۔ اور ھندؤوں کے مقابلے پہ مسلمان ننھی سی اقلیت اور وہ بھی معاشی طور پہ پسی ہوئی۔ اگر قائد اعظم رحمتہ اللہ علیہ اور مسلمان اکابرین پاکستان بنانے کا فیصلہ نہ کرتے تو غالب امکان ہے کہ اب تک ھندو ہمیں رام رام پہ مجبور کر چکے ہوتے۔ ھندو قوم سے مسلمان قوم کا واحد فرق اسلام ہے، پاکستان بنانے کا مقصد اسے اسلامی فلاحی ریاست بناناتھا۔ بیس لاکھ لوگ مارے گئے۔ تب یہ ملک بنا۔ دو ملکوں ، دو مذھبوں کے درمیان، تاریخ میں اتنی بڑی تعداد میں انسانی ھجرت کی مثال نہیں ملتی کون کون سی قربانی نہیں دی مسلمانوں نے اس ملک کی خاطر ۔؟ تو کیا آپ کو لگتا ہے وہ عظیم مقصد جس کی پوری قوم گواہ ہے وہ یہ یا سابقہ حکمران پورا کر رہے ہیں یا مستقبل قریب میں انکے ارادے اسیے نظر آتے ہیں ۔؟ جب اس مقصد اسلام کے ساتھ جس کے لئے پاکستان بنایا گیا۔ اس سے انہوں نے، ان سے پیشتر حکمرانوں نے رو گرادانی کی ۔ اپنی عاقبت خراب اور مسلمانوں کی زندگی اجیرن کر رکھی ہے تو آپ کو کیسے محسوس ہوا کہ آپ کا بیان کردہ یہ سارا کھڑاک،جمہوریت کے لئیے ۔ہمارے پیارے حکمران کریں گے۔؟

جب کہ جمہوریت اور خاصکر ایسی جمہوریت جس میں قوم کو لگاتار تیل دینے والے حکمران۔ قوم کے غریب عوام کا خون پی کر اکھٹے کیے گئے اور ملک سے باہر چوری کر کے لے جائے گئے ۔ اپنے ڈیڑھ سو ، ڈیڑھ سو ارب این آر او کے تحت معاف کروا کر پھر سے ایک نئیے ولولے اور ایک ایسی اندھی جمہوریت کے کے کندھے پہ چڑھ کر خوب سے خوب تر کے مصداق وزیر اعظم کے شوہرِ نامدار کے عہدے سے ترقی کر کے سربراہ مملکت خداد پاکستان پہ پہنچانے والی جمہوریت کے ہر گناہ کو صرف اس لئیے کہ مغرب کی عطا کردہ جمہوریت مشرق میں جو کرے جائز ہے۔ کی بنیاد پہ کون اسی جمہوریت پہ قربان جائے گا۔

اگر یہ ممکن ہوبھی جائے تو ایسی جمہوریت پہ کون یقین کرے گا۔؟

افضل صاحب ۔۔ میری نظر میں تو ہر انسان کو معلوم ہوتا کہ ایک اچھے انسان یا امیدوار کی کیا خوبیاں ہونی چاہییں۔ اس کے باوجود بھی لوگ جس میں خواندہ اور ناخواندہ کی کوئی تمیز نہیں انہیں لوگوں کو جانتے بوجھتے منتخب کرتے ہیں تو تعلیم دینے کے بعد بھی کیا تبدیلی آئے گی؟ اصل مسئلہ تو فیصلہ کرنے کا ہے؛ لوگ اچھے لوگ منتخب کرنے کا ارادہ تو کریں۔ ناخواندہ آدمی کو بھی معلوم ہوتا ہے کہ اس کا بھلا کیونکر ہوسکے گا بس فیصلہ کرنے کی دیر ہے۔۔ جب تک ذات پات، صوبائیت اور عصبیت کے چکر سے نہیں نکلا جائے گا لوگ اچھے امیدوار پر اپنے امیدوار کو ترجیح دیتے رہے رہیں گے چاہے دس سالہ جمہوریت ڈپلومہ ہولڈر ہی کیوں نہ ہوں۔