پاکستان میں جگہ جگہ آپ کو ڈھونڈنے پر ایسے افراد مل جائیں گے جنہوں نے اپنی تخلیقی صلاحیتوں سے کوئی نیا خیال پیش کیا، یہ کوئی چیز بنائی تو مالی سرپرستی نہ ہونے کی وجہ سے اور حکومت کے کسی فرد کی مدد نہ ملنے کی وجہ سے وہ چیز وہیں ٹھپ ہو گئی، کچھ عرصہ بعد یہی صلاحیتیں امریکیہ اور یورپ کے کام آ جاتی ہیں، اسی طرح پاکستان میں تعلیم کے شعبے میں نمایاں کارکردگی دکھانے والے طلبا بھی جلد امریکہ سدھار جاتے ہیں، یا بلا لیے جاتے ہیں، اسکا ایک ہی سبب ہے سیاستدانوں کی عدم توجہی اور نظام کی کمزوری

دو سقوط مسلمانوں پہ بھاری گزرے ہیں۔ ایک سقوط بغداد دوسرا سقوط اندلس یا سقوط غرناطہ۔ اسکے بعد چراغوں میں روشنی نہ رہی۔

پچھلی دو یا تین صدیوں میں مسلمانوں کا دنیا کی سائینسی ترقی میں کوئی خاص کردار نہیں رہا۔ مگر اس میں محض مسلمان قوموں کا قصور نہیں۔ مسئلہ یہ ہے کہ جب تک علم و تحقیق کا پلڑا مسلمانوں کے حق میں بھاری رہا ۔ مسلمانوں نے بلا تمحیص تمام مذاہب کے علم کے شیدائیوں اور عالموں کے لئیے جماعات کے در وا کئیے رکھے۔ اندلس کی علمی جامعات میں یوروپ کے دوسرے ممالک سے آئے غیر مسلم اسکالروں اور طلباء کو ہر قسم کی مفت سہولیات مہیا کی جاتیں تھیں۔

مگر جب علم کا پلڑا دوسری قوموں کے حق میں بھاری ہوا تو انہوں نے اسی علم و تحقیق کے بل بوتے پہ مسلمانوں سے اپنے پرانے تعصب کا اہتمام پورا پورا کیا اور غیر مسلم ریاستی اتحادوں میں اس بات کا پورا اہتمام کیا جاتا تھا کہ کسی بھی صورت میں مسلمان قوم کے مرد وذن کو کسی قسم کا کوئی ریلیف یا سہولت نہ ملے۔

آج بھی یہ وہی پرانی خواہیشیں پھر سے نئے الفاظ پہن کر عود کر آئیں ہیں۔ برطانیہ سے پاکستانی طلبہ پہ نام نہاد دہشت گردی کا الزام لگا کر جیل میں ڈال دینا طلبہ جوجائزطور پہ ویزا کی ساری شرائظ پوری کر کے آئے تھے اور قانونی طور پہ برطانیہ میں اپنی تعلیم کو مکمل کر رہے تھے۔ بعد ازاں الزامات کے درست نہ ہونے پہ بجائے اس کے کہ ہوم ڈپارٹمنٹ ان سے معافی مانگتا الٹا انہیں ملک بدر کر کے ان کے تعلیمی کئیرر کو ختم کر دیا۔ اب آپ بتائیں انکی اس دوران دو تین سال کی محنت کس کھاتے گئی۔ اور جو مشقت اور مصائب انہیں بھگتنے پڑے۔ وہ الگ سے ہیں ۔ ایسے میں کون کون اپنا سرمایہ لٹا کر برطانیہ جا کر صبر آزما حالات میں چار یا پنس سال کی ڈگری کی خواہش کرے گا ۔ جب کہ پاکستان کی ایک اوسط کلاس فیملی کی جو مالی استعاعت ہوتی ہے اس سے سبھی واقف ہیں۔ بر طانی اور انگریز جو اپنے آپ کو شائستہ اطوار اور تہذیب یافتہ کہلواتے نہیں تھکتے۔ جہاں جمہوریت جمہوریت کا جاپ دن رات جاپا جاتا ہے۔ مگر پاکستان کے بڑے مجرموں کو پورے پروٹوکول اور ٹھاٹھ باٹھ سے نہ صرف رکھا جاتا ہے بلکہ پاکستان کے آئیندہ کہ ایسی قومی مجرموں کی نا صرف حوصلہ افزائی کی جاتی ہے بلکہ انہیں پاکستان میں ڈھونڈ ڈھونڈ کر پاکستان کے قومی مناصب پہ پہنچانے کا بندوبست کیا جاتا ہے۔ جبکہ چند بے گناہ غریب پاکستانی قوم کے اسٹوڈنٹس سے ان کے ظرف اور اخلاق کا اور غیر انسانی برتاؤ کا یہ عالم ہے۔ کہ نہ ان کے اور نہ ہی دنیا اور پاکستان میں قائم قسم قسم کی رنگ برنگی انسانی حقوق اور طلبہ کے حقوق کے کانوں پہ جوں رینگی ہے۔ جبکہ کہ پاکستان میں ایک چڑیا کے بھی ناحق مارے جانے پہ یہ قومیں اور پاکستان کی اندرونی نام نہاد انسانی حقوق کی تنظیمیں این جی اوز چیخ چیخ کر سر آسمان پہ اٹھا لیتی ہیں۔ اور سازش یہ ہے کہ نہ آپ میں ۔ نہ عوام میں اور نہ ہی ہمارے قومی ادروں بشمول حکومتِ پاکستان میں یہ جراءت ہے کہ وہ پاکستان کے اندر ایسی نام نہاد این جی اوز سے اس دو رخی اور دوغلی پالیسی کا حساب مانگ سکیں۔

یہ تو صرف جدید تہذیب یافتہ اور اول دنیا کے ایک انگریز ملک برطانیہ اور تاج برطانیہ کا تیسری دنیا کے ایک غریب مسلمان قوم کے چند مسلمان اسٹوڈنٹس کے ساتھ اکسویں صدی میں غیر اخلاقی اور کم ظرف برتاؤ کا عالم ہے۔ اب آپ باقی ممالک کا مسلمان قوموں کے ساتھ تعلیمی برتاؤ دیکھ لیں۔ آپ امریکہ میں غالبا مکینکل انجنئر ہیں آپ ایک خاص حد سے آگے بڑھنے کی خواہش کریں گے تو آپ کے بھی پر کاٹ دئیے جائیں گے۔ امریکہ نے کھربوں ڈالر کی بھیک خیرات اور امداد کے نام پہ مسلمان ملکوں پہ سودی قرضہ کا بوجھ لاد دیا ہے ۔ مگر کبھی کوئی یونیورسٹی یا علم تحقیق کے لئیے کسی مقامی منصوبے میں مدد نہیں کی جس میں مکمل طور پہ مقامی قوم کو فائدہ ہوتا ہو ۔ ہاں البتہ جہاں اسے روپے میں سے چودہ آنے کا اپنا مفاد نظر آیا وہاں اس نے دلچسپی ظاہر کی ۔ یہ اکیسویں صدی کی باتیں ہے جو میڈیا یا کسی اور وجہ سے ہم تک کچھ نہ کچھ پہنچ پاتی ہیں۔ آپ اندازہ لگائیں پچھلی صدیوں میں ان غیر قوموں نے کیا کیا جبر ہم پہ مسلط نہیں کیا ہوگا۔ کل کی نوآبادیات اور آج کی عراق افغانستان جنگ اور پاکستان اور عرب دنیا سے بدمعاشی و بلیک میلنگ اور پتھر کے دور میں پہنچا دئیے جانے کی دھمکیاں ذہن میں رکھیں۔

کسی قوم کے پڑھے لکھے ہونے اور علمی و تحقیقی میدان میں ترقی یافتہ ہونے میں خاصہ فرق ہے ۔ اور علمی و تحقیقی میدان میں آگے بڑھنے کے لئیے ایک پوری قوم کا انتہائی تعلیم یافتہ ہونا ضروری ہے تا کہ ان میں شعو رو آگہی کا وصف اعلیٰ معیار پہ ہو اور وہ پوری قوم ایک ہی رفتار سے ترقی کر سکے اور علم و سائینس میں نام پیدا کرسکے ۔ اس کے لئیے محاول کا سازگار پرسکون اور پر امن ہونا بھی بہت ضروری ہے ۔ جسے سیاسی مالی اقصادی استحکام کا نام دیا جاتا ہے۔ جبکہ آپ اپنے اردگر نظر ڈالیں این قوموں نے مسلمان قوموں کے جو حالات پچھلی دو تیں صدیوں سے کر رکھے ہیں کیا ان حالات میں مندرجہ بالا اسباب پیدا کئیے جاسکتے ہیں۔

آپ ہمیشہ ہر بات مین مسلمانوں کو قصور وار ٹہرا کر عربوں کے تیل پہ ختم کر دیتے ہیں۔ کہ انہوں نے تیل بیچا اور ترقی نہیں کی۔

محترم جس دن جس عرب ملک کے حکمرانوں نے امریکہ کی پٹھو گیری چھوڑ کر ترقی کر اپنے ملک کی ترقی کے خواب دیکھے اسی دن سے امریکہ عراق اور عراق کے صدام جیسے انجام سے انہیں دوچار کرنے کا آگاز کر دے گا۔ آپ کے خیال میں عراق میں ترقی نہیں ہوئی تھی کیا۔؟ لوگ کہتے ہیں صدام ڈکٹیٹر تھا اسلئیے اسے پھانسی چڑھا دیا گیا ۔ تو مشرف کیا تھا اسے کیوں ابھی تک امریکہ و بر طانیہ اتنے پیار سےاپنی چھاتی سے لگائے پھرتے ہیں۔ ساری دنیا نے امریکہ اور بش کذاب کے جھوٹ کا مشاہدہ کیا کہ کہ عراق سے اجتماعی تباہی کےہتیاروں کا واویلا جھوٹ پر مبنی پروپگنڈا تھا مگر کسی کو یہ جرائت نہ ہوئی کہ امریکہ سے کہتے کہ اگر عراق میں سے اجتماعی تباہی ہتیار (جو امریکہ کے پاس ساری دنیا سے بڑھ کر ہیں) برآمد نہیں ہوئے تو اب آپ عراق کی جان چھوڑ دیں کیونکہ صرف صدام اور امریکہ کا جھگڑا نہیں بلکہ ایک پوری قوم اور ملک ہے۔ مگر نہیں صاحب عرب ممالک کو اتحاد اور ترقی کے خواب دکھانے والے اور عرب ممالک میں سے اس وقت تک سب سے ترقی یافتہ ملک عراق کی اینٹ سے اینٹ نہیں بجادی گئی ہے مگر اب تک امریکہ کے ظلم کو صبر نہیں آرہا۔

آپ ایک سوال کا جواب دیں عراق کو واپس اسی جگہ پہ پہنچنے کے لئیے اور اس دوارن انسانی اور قومی المیوں کے گھاؤ بھرنے کے لئیے کتنی نسلیں درکار ہونگی ۔؟ تب تک غیر مسلم اقوام تعلیم و تحقیق کے میدان میں کتنی ترقی کر چکی ہونگی؟ کیااب بھی آپ کے خیال میں مسلمانوں کی ترقی روکنے اور تعلیم و تحقیق سمیت ملکی سیاسی مزھبی، اقتصادی استحکام کو ختم کرنے میں آپ کو غیر مسلم اقوام خاص کر امریکہ و برطانیہ کا ہاتھ نظر نہیں آتا،؟

آپ نے یہ بات کس قدر آرام سے کہہ دی ہے کہ پاکستان کا ایٹمی پروگرام چوری پہ مبنی ہے۔ مجھے آپ کی معلومات پہ حیرانگی ہوتی ہے۔آپ نے پاکستان کے ایٹمی پروگرام کے بارے میں وہی زبان استعمال کی ہے جو پاکستان کے ایٹمی پروگرام کے دشمن بھارت ، اسرائیل اور امریکہ سمیت دیگر ممالک استعمال کرتے ہیں۔ جبکہ اپنی سر توڑ کوششوں سے بھی وہ یہ الزام پاکستان پہ ثابت نہیں کر سکے۔ آپ کی اطلاع کے لئیے عرض ہے کہ پاکستان کے موجودہ ایٹمی پروگرام کے خالق ڈاکٹر قدیر کے پاکستان آجانے کے بعد ڈاکٹر صاحب پہ تب ہالینڈ میں اپنی جاب کے دواران کچھ معلومات کی چوری کاجھوٹا الزام لگایا گیا تھا اور جھوٹا مقدمہ قائم کیا گیا تھا جسے ڈاکٹر صاحب نے سامنا کیا اور اس مقدمے کو جھوٹا ثابت کیا ۔ اور آج آپ کتنے آرام سے پاکستان پہ چوری سے ایٹم بم بنانے کا الزام لگا رہے ہیں۔ اس الزام کے پیچھے آپ کے درپردہ مقاصد (اگر کوئی ہیں تو) سے میں لاعلم ہوں مگر یہ بات آپ کو زیب نہیں دیتی۔

آپ نے اگر اپنی آنکھوں سے پاکستانی جوہر قابل کو نہیں دیکھا تو اسکا مطلب ہی نہیں کہ ُ ُ عقل و علم“ صرف امریکہ و برطانیہ کی وراثت ہے۔ پاکستان پہ چوری کر کے ایٹمی طاقت بننے کا الزام درست نہیں۔

ایٹمی ٹیکنالوجی والی بات سے اتفاق کرتا ہوں جاوید صاحب، اسکے علاوہ ہتھیاورں، طیارہ سازی وغیرہ وغیرہ میں پاکستان چاہے چاینہ کی مدد سے ہی، لیکن بھارت سے بہت آگے ہے،
معذرت کے ساتھ افضل صاحب سے گزارش کروں گا، کہ امریکہ اور یورپ میں مقیم پاکستانیوں کے بنیادی نظریات بہت خراب ہو چکے ہیِں

جاوید صاحب۔ آپ کی باتوں سے اختلاف صرف اس بات پر ہے کہ میں نے تو امریکہ میں‌پڑھا بھی اور رہتا بھی ہوں۔ 911 کے دن بھی امریکہ میں‌تھا اور اس کے بعد بھی۔ مجھے تو ایسا کچھ نہ دیکھنا پڑا جس سے میں امریکہ کو متعصب سمجھ سکوں۔ یورپ کا حال البتہ دوسرا ہے کہ وہاں‌مختلف تعصبات عام ہیں۔ مسلمانوں‌کے زوال کی وجہ و خود ہیں۔ اور کسی کو کیا پڑی ان کے فائدے کی سوچے جب انہیں اپنے فائدے کی خود ہی پرواہ نہیں؟

جب کسی قوم کو سیاسی غلبہ حاصل ہوتا ہے تو دنیا جہاں کے دانشور اور سائنسدان ادھر کا رخ کرتے ہیں کہ انھہیں‌اپنے کام کا قابل قدر صلہ ملتا ہے۔
عروج بغداد کے دوران بھی دنیا بھر کا علمی سرمایہ ادھر کی جانب رواں رہتا تھا آج کل مغرب کا رخ کرتا ہے۔

رہ گئی بات تو اس پر طویل بحث ہو سکتی ہے کہ سیاسی غلبہ کے لئے پہلے علمی اور تکنیکی ترقی کی ضرورت ہے یا سیاسی غلبہ حاصل ہو جانے کے بعد علمی اور تکنیکی ترقی شروع ہو جائے گی۔

تاہم دونوں صورتوں میں دیانت دار قیادت کی شرط اول ہے۔