اس سے قبل بیس جنوری دو ہزار سات کے ایک مراسلے میں کہا گیا ہے کہ حامد کرزئی نے اس وقت کے پاکستان کے وزیراعظم شوکت عزیز سے ملاقات میں کہا کہ سارے بگٹی دہشت گرد نہیں ہیں اور اس لیے پاکستان کے حوالے نہیں کیے جا سکتے۔

اٹھارہ دسمبر دو ہزار نو کے ایک مراسلے میں براہمداغ بگٹی کو یورپ میں پناہ گزین کی حیثیت دینے کے حوالے سے آئی ایس آئی کے سربراہ جنرل پاشا نے کہا کہ اگرچہ اس بارے میں فیصلہ وزارت خارجہ کرے گی لیکن جنرل پاشا نے صاف الفاظ میں کہا کہ وہ اس کے حق میں نہیں ہیں۔

ان کا کہنا تھا کہ اگر اقوام متحدہ کے ادارے برائے پناہ گزین نے اس بارے میں براہمداغ کی مدد کی تو پاکستان کا رویہ اس ادارے کی جانب تبدیل ہو جائے گا۔

ویسے یہ وکی لیک کی تمام لیکس مسلمان اور تیسری دنیا کے ممالک کے متعلق ہی کیوں ہوتی ہیں؟ روس، فرانس، برطانیہ، جرمنی، جاپان، چین وغیرہ کے متعلق امریکی اور دیگر یورپی حکومتیں کیسے خیال رکھتی ہیں ان پر سے پردہ کیوں‌نہیں‌اُٹھایا جاتا؟

میری ذاتی ائے میں کچھ معلومات ایسی ہوتی ہیں جنہیں ڈس انفامیشن پھیلانے کے لئیے عام کر دیا جاتا ہے تانکہ فریق مخالف کے رد عمل کا جائزہ لیا جا سکے۔ یا کچھ ناپسندیدہ فریقوں میں پھوٹ ڈلوائی جاسکے۔ اسے معلومات نہیں بلکہ سازش کہنا زیادہ مناسب ہوتا ہے۔

بہت ممکن ہے کہ وکی لیکس کی معلمات درست ہوں مگر اسقدر تازہ ترین خفیہ معلومات۔ اس بڑی تعداد میں اور اس آسانی سے پیسشگی اطلاع کے ساتھ چھاپی جارہی ہیں۔ جس پہ مسلمان ممالک اور تیسری دنیا کے سیاستدان اور حکمران عوام تلملا اٹھے ہیں۔ مغرب اور امریکہ کے اتحادی ممالک میں اس بارے کوئی خاص ردعمل دیکھنے میں نہیں آیا۔ ۔۔۔ اس سے زہنوں میں ایک شک ابھرتا ہے کہ امریکہ نے یہ معلومات آشکارا کرنے کا بندوبست کیا اپنے اتحادیوں کو اس سے بیشتر اعتماد میں لیا۔ان معلومات میں ایسی بات نظر نہیں آئی جس سے امریکہ کو کوئی سیاسی نقصان پہنچ سکتا ہو۔ البتہ تیسری دنیا اور خاصکر مسلمان ممالک میں کئی نئے فتنے سر اٹھا ئیں گے۔

اگر یہ درست ہے تو جلد پتہ چل جائے گا کہ وکی لیکس کا اونٹ کس کروٹ بیٹھتا ہے۔اور ایسے رازوں کے افزاء کے پیچھے کونسی پالیسی کارفرما ہے ۔ دنیا میں انتشار کی ایک نئی لہر ابھرے گی ۔ اسلئیے مسلمان ممالک کو ابھی سے ایسے حلات کے پیش خیمے سے نمٹنے کا بندوبست کر لینا چاہئیے۔

وکی لیکس کے بانی 188 ملکوں کی پولیس کومطلوب

امریکہ میں حکومت کے وکلاء جاسوسی کے الزام میں اسانش پر مقدمہ چلانے کے بارے میں غور کر رہے ہیں۔جبکہ یورپی یونین انہیں سویڈن میں جنسی زیادتی کے ایک معاملے میں پوچھ گچھ کرنے کے لیے تلاش کر رہی ہے۔

جاسوسی ایکٹ کے تحت ان پر مقدمہ چلانے میں امریکی آئین کی پہلی ترمیم ایک بڑی رکاوٹ بن سکتی ہے جو آزادی اظہار اور پریس کی آزادی کی ضمانت دیتی ہے۔تاہم ایسو سی ایٹڈ پریس نے ماہرین کے حوالے سے بتایا ہے کہ اسانش پر سرکاری املاک چرانے کا مقدمہ بھی چلایا جا سکتا ہے۔افغانستان کے بارے میں دستاویز جاری کرنے کے بعد اسانش سویڈن گئے تھے جہاں انہوں نے رہائش اور کام کرنے کے ویزہ کے لیے درخواست دی تھی۔

سویڈن میں انہیں دو خواتین کے ساتھ جنسی زیادتی کے الزام کا سامنا کرنا پڑا جو اب ان کی آزادی کے لیے بڑا خطرہ بن سکتا ہے۔اسانش اس الزام کی تردید کرتے ہیں ان کا کہنا ہے کہ انہوں نے دونوں خواتین کی مرضی سے ہی ان کے ساتھ جنسی تعلق قائم کیا تھا۔

ان الزامات کے بعد سویڈن نے ان کی درخواست مسترد کر دی تھی۔

منگل کو انٹرپول نے ریڈ نوٹس جاری کر دیا ہے اور افغانستان سے لیکر زمبابوے تک 188 ملکوں کو مطلع کر دیا گیا ہے کہ اسانش سویڈن کی پولیس کو مطلوب ہیں۔ حال ہی میں ایکواڈور کے نائب وزیرِ خارجہ نے اسانش کو پناہ دینے کی بات کی تھی لیکن ملک کے وزیرِ اعظم نے اس پیشکش کو فوراً مسترد کر دیا