بات یہ ہے کہ ایجینسیاں اپنے اختیارات سے تجاوز کرتی رہی ہیں،اور انہیں ایڈوانٹیج دی جاتی رہی ہے، کبھی حب الوطنی کے نام پر کبھی اسلام کے نام پر،
اس کا فائدہ اٹھاتے ہوئے ان میں موجود کالی بھیڑوں نے جرائم پیشہ لوگوں سے اپنے تعلقات گہرے کرلیئے ہیں،یوں جب بھی کوئی ان کے گندے رازوں سے پردہ اٹھانے کی کوشش کرتا ہے اسے موت کے گھاٹ اتار دیا جاتا ہے،
اب وقت آگیا ہے کہ ان کو نکیل ڈالی جائے،اور ان کا بھی احتساب ہو تاکہ وہ تمام مجرم جو ان کی پناہ لیئے ہیں بے نقاب ہوں اور ایجینسیوں کا عوام میں بہتر امیج بنے!!!!

ممکن ہے اور نہیں بھی کہ ایجینسیوں نے قتل کیا ہو۔ مگر میری ذاتی رائے میں اس قتل میں ایجنسیوں کو ملوث کرنے کی سازش رچائی گئی ہے۔ اوپر کہیں بہت اوپر “گریٹ گیم” کے شاطر دماغ اور پاکستان کے مفاد کے خلاف کام کرنے والی دشمن طاقتوں کی خفیہ ایجنسیز جو مشرف اور موجودہ حکومت کی دھیل کی وجہ سے پاکستان میں اپنا جال نہائت سرعت اور کامیابی سے پھیلا چکی ہیں۔ وہ کوئی ایسا موقع ہاتھ سے نہیں جانے دیتیں جس سے پاکستان اور پاکستانی افواج۔ پاکستانی ایٹمی پروگرام کو دیوار سے لگایا جاسکتا ہو۔

بیرونی طاقتوں کو خوش کرنے کے لئیے اس حکومت کے شروع کے دنوں میں آئی آیس آئی کو وزارت داخلہ کے تحت کرنے کا بیان اور پھر اس بارے پسپائی اختیار کرنے کو حکومت ابھی تک نہیں بھولی اور یوں خاص اس ایجنسی کے حوالے سے شک شہبات پھیلانے پہ حکومت کا مجرمانہ تغافل شرم ناک ہے۔

آج بھی اسلام آباد میں پولیس کی وردی میں چار افراد نے ایک صحافی کو تشدد کا نشانہ بنایا ہے اور اسکے بعد بھاگ گئے ہیں۔ تو کیا اسے بھی ایجنسیوں کا شاخسانہ کہا جائے گا۔

میری رائے میں نہائت اوپر جہاں ہمارے بودے حکمرانوں کے بھی پر جلتے ہیں وہاں یہ طے کیا جاتا ہے کہ پاکستانی افواج۔ پاکستان۔ پاکستان کے محبان اور پاکستانی جوہری پروگرام کو کیسے نکیل دینے کے لئیے بنیادی ضروری کوشش آئی ایس آئی کو اپنے دفاع پہ مجبور کردینا ہے۔ اور کسی کو ایے لوگوں کے بارے علم ۔ جنہیں ماضی میں ایجینسیز یا آئی ایس آئی کے ذریعے بریف یا ڈی بریف کیا گیا ۔ اور ایسے لوگوں کو چن کر نشانہ بنایا جارہا ہے۔ جس سے آئی ایس آئی کے خلاف اسٹیج تیار ہو۔

بدقسمتی سے اسمیں ہمارے کچھ جذباتی لوگ بکاؤ میڈیا اور لوٹے سیاہ ست دان بھی شامل ہیں۔

ایک عام سی سمجھنے کی بات ہے کہ اگر اس ملک کا کوئی والی وارث ہوتا تو کیا یوں اچانک گیس ، بجلی ، اور پٹرول ڈیزل غائب کردیا جاتا؟ اور ملک کی مشینری رک کر رہ جاتی۔ کیا حکمرانوں کے فرائض منصبی میں اسطرح کے وسائل عوام اور صنعت کاروں کو مہیاء کرنا نہیں آتا ، یا پاکستان کے حکمرانوں کا کام بیان چھوڑنے اور ایک دوسرے سیاستدانوں کے پتے کاٹنے اور نالاعق قسم کے لوگوں سے اتحاد کرنا ہی رہ گیا؟

میری‌ذاتی رائے میں ایجینسیز کو جان بوجھ کر مشکوک وارداتوں میں ملوث کیا جارہا ہے تانکہ پاکستان کا دفاع ہر لحاظ سے کمزور اور دشمن کو وار کرنے میں آسانی رہے ور اسی لئیے ہماری افواج اور ایجینسیز کے خلاف ایک سوچے سمجھے منصوبے کے تحت اس طرح کی وارداتوں میں اسکا وقار مٹی میں ملانے اور ادارے کو دیوار سے لگانا ہے۔

حاتم طائی بنام پاکستانی بلاگرز۔ المعروف سوشل میڈیا سمٹ۔ ڈرامے کا ڈراپ سین ہوا۔ منتظمین کی نیت خواہ کچھ بھی رہی ہو۔ یار لوگوں کو آواری میں گپ شپ کا اچھا موقع ملا۔ . . . . . . . . . . . .

پاکستان میں خفیہ اداروں کے سینیئر ذرائع کے مطابق اندرونی سلامتی کے ذمہ دار اداروں کے ان افسران کے خلاف تاحال کوئی کارروائی نہیں کی گئی ہے جو ایبٹ آباد کے اس علاقے میں تعینات تھے، جہاں اسامہ بن لادن پانچ سال تک روپوش رہے۔

اس کے علاوہ پاکستانی فضائیہ کے وہ اہلکار جو ایبٹ آباد میں امریکی فوجی کارروائی کے وقت پاکستانی سرحدوں کی فضائی نگرانی پر مامور تھے، ان میں سے بھی کسی کے خلاف کسی قسم کی محکمانہ کارروائی نہیں کی گئی ہے۔

دو مئی کے واقعات کے بعد علاقے میں سکیورٹی کے امور سے متعلق واحد اہلکار جسے اس کے عہدے سے ہٹایا گیا ہے وہ اس نوشیرواں تھانے کے انچارج افسر ہیں جس کی حدود میں اسامہ بن لادن کا مبینہ مکان واقع ہے۔

http://www.bbc.co.uk/urdu/pakistan/2011/06/110619_osama_laden_a.shtml

ایجینسیوں کے ساتھ جو بھی ہورہا ہے بہت دیر سے اور بہت کم ہورہا ہے،
ان کے ساتھ اس سے سخت کاروائی ہونا چاہیئے،اگر وہ اپنی تطہیر خود نہیں کرتے توِ۔۔۔۔۔۔۔۔۔۔۔۔!!!

امریکی ایجنٹس کی دوسری کیٹیگری جن کے خلاف کارروائی کی جا رہی ہے، پاکستانی سرکاری اداروں اور سکیورٹی فورسز میں شامل افراد کی ہے۔ ذرائع دعویٰ کرتے ہیں کہ اس کیٹگری میں بھی متعدد افراد زیر تفتیش ہیں۔ ان میں فوج اور آئی ایس آئی کے علاوہ قبائلی علاقوں میں تعینات بعض نیم فوجی اور سویلین حکام بھی شامل ہیں۔ ان میں سے بعض افراد کے کورٹ مارشل کی تیاری بھی کی جا رہی ہے۔

’اس واقعے کے ابتدائی اشارے اس بات کو ظاہر کرتے ہیں کہ ’مارو اور پھینکو‘ کی کارروائیوں کا دائرہ تشویشناک حد تک بڑھ گیا ہے جو پہلے زیادہ تر صوبہ بلوچستان میں دیکھی گئیں۔‘
’پاکستان کے خفیہ اداروں پر سنگین الزامات ہیں کہ وہ بڑی تعداد میں وکلاء، سیاسی کارکنوں اور صحافیوں کی ہلاکت میں ملوث ہیں۔‘
پاکستان میں تمام صحافی برادری اس بات سے بخوبی آگاہ ہیں کہ کس طرح ایجنسی میڈیا اور صحافیوں پر کتنی قریب سے نظر رکھتی ہے۔
صوبے بلوچستان میں گزشتہ دو سالوں کے دوران اپنے سیاسی حقوق کا مطالبے کرنے والے دو سو کے قریب سیاسی کارکنوں کو اغوا کیا گیا، ان پر تشدد اور قتل کیا گیا۔