جاوید صاحب آپ کی بات پر مزید تبصرہ نہیں لیکن یہ بات نہ سمجھ میں آنے والی ہے کہ جس جناح کو انگریز اور ہندو لیڈر غچہ نہ دے سکے اسے لیاقت علی خان نے جل دے کر اردو کو قومی زبان بنا دیا؟
اردو کے قومی زبان بننے کے کئی اور عوامل بھی تھے اس کار خیر کے لیے نواب صاحب کا ہی نام لینا درست نہیں ہمیں یہ بات نہیں بھولنی چاہیے کہ اردو پاکستان بننے سے پہلے ہی مسلمانوں کی زبان کا درجہ حاصل کر چکی تھی اور ہندوستان کی تقسیم جب مذہب کی بنیاد پر ہوئی تو اس میں اردو کا راستہ صاف تھا اور ظاہر ہے یہ جمہوری اصولوں کے خلاف تھا لیکن لیاقت علی خان کا تن تنہا کارنامہ نہیں

السلام علیکم ورحمت اللہ و برکاتہ۔عید کی مبارکباد(لیٹ ھی صحیح)
“ بھٹو کو اسلیے پھانسی لگا دیا گیا کہ اس وقت قبر ایک تھی اور مردے دو تھے۔“
اسکی ذرا تشریح فرمادیں۔شکریہ

جاوید صاحب
تصیح کا شکریہ لیکن ہمارے ذہن میں وہی تھا جو راشد صاحب نے بیان کیا۔ دراصل اس تحریر میں ہم نے پاکستان کے صدور کا ذکر کیا ہے اسی لیے لیاقت علی خان کے بارے میں‌ نہیں‌لکھا۔ جب وزیراعظموں کے بارے میں‌لکھنے کا موقع ملا تو ان کے بارے میں‌ضرور لکھیں گے۔ ہمارا دل کر رہا ہے کہ آپ کے تبصرے کو لیاقت علی خان کی پوسٹ میں‌تبدیل کر دیا جائے۔ کیا خیال ہے آپ کا۔

راشد کامران صاحب!
آپکا سوال نہائیت مدلل ہے۔ مگر ایسے اور اس سے ملتے جلتے سوالات کے جوابات بعض اوقات اپنے اندر ایک پوری کتاب جیسی ضخامت سموئے ہوتے ہیں اور پھر بھی قاری کی مکمل تشفی نہیں ہوپاتی۔ اور اس فورم پہ بہرحال اس طرح کا مکالمہ نہیں کیا جاسکتا اور نہ ہی میں اپنے آپ کو عالم، فاضل یا صاحبِ علم جیسی کوئی شئے سمجھتا ہوں کہ آپ کی مکمل تشفی کر سکوں اور کچھ میں کاروباری مصروفیات کی وجہ سے بھی اس قدر وقت نکالنے کا متحمل نہیں ہو سکتا۔ میری آپ سے اور باقی قارئین اکرام سے ببھی یہ درخواست ہے کہ وہ بھی تحقیق و جستجو کریں اور دوسروں کو بھی اپنے خیالات سے نوازیں۔ بہڑ حال میں کوشش کروں گا کہ مطمئین ہو سکیں۔

اس میں کوئی شک نہیں قائدِ اعظم رحمۃ اللہ علیہ جمہوری روایات کے پابند اور جمہور پہ یقین رکھنے والی عظیم شخصیت تھے۔ مگر ہمیں یہ نہیں بھولنا چاہیے کہ وہ اپنی زندگی کے آخری سالوں میں پاکستان کے قیام کی خاطر اپنے موذی مرض اور اپنی صحت سے بھی قدرے لاپرواہ ہو چکے تھے جیسے انہیں علم تھا کہ ان کی زاندگی کم رہ گئی ہو اور انہوں نے ہر صورت سب سے اول پاکستان کے قیام کو ترجیج دی۔اور پھر ان کے سامنے پاکستان کے حوالے سے بڑے بڑے بنیادی مسائل تھے۔ رائل انڈین کور کے اور تمام محکموں کے صدر دفاتر دہلی میں ہونے کی وجہ سے اور تمام دفاتر پہ گوروں ہندوؤ ں کا عہدیدار ہونے کی وجہ سے ہمیں فوج۔ خزانہ۔ انتظامیہ۔ انفراسٹرکچر وغیرہ ہر شئے سے محروم خطہ پاکستان کی صورت میں حاصل ہوا۔ ہر طرف انبار کے مسائل تھے۔ لاکھوں کی تعداد میں ہجرت کرنے والے مہاجرین کا مسئلہ الگ سے تھا۔ پاکستان کے وجود کو آزاد ریاست کی حثیت سے دنیا کی باقی برادری سے تسلیم کروانا۔چھوٹی چھوٹی ریستوں کے ادغام کے مسائل۔ کشمیر کا مسئلہ۔ قوم کو ایک نظام دینا۔ آئین کی تیاری۔ المختصر انگنت مسائل تھے ۔ جو پاکستان اور قائدِ اعظم رحمۃ اللہ علیہ کو درپیش تھے ۔ اور سخت محنت کی وجہ سے قائدِ اعظم رحمۃ اللہ علیہ کی روز بروز گرتی صحت کا یہ عالم تھا کہ وہ فراش ہوئے تو انھیں دارلحکومت کراچی سے زیارت جیسے صحت افزء مقام پہ لے جایا گیا کہ شاید یوں وہ صحت یاب ہو جائیں۔ جہاں جانے سے پہلے ہی نوابزادہ موصوف عملی طور پہ کاروبارِ ریاست پہ قبضہ جما چکے تھے اور زیارت جانے کے بعد تو قائدِ اعظم رحمۃ اللہ علیہ مکمل طور پہ ہر چیز سے عملاً کٹ گئے اور مسندِ اقتدار پہ نوابزادہ لیاقت علی خان کا مکمل قبضہ ہو چکا تھا۔اور مشرقی پاکستان میں اردو کو قومی زبان دینے کے قضیے پہ احتجاج سامنے آچکا تھا اور اگر نوابزادہ لیاقت علی خان زیارت میں قائدِ اعظم رحمۃ اللہ علیہ عیادت کے لیے نہیں بلکہ صرف یہ دیکھنے گئے تو بقول فاطمہ جناح کہ ابھی قائدِ اعظم رحمۃ اللہ علیہ کتنا دم باقی ہے اور کیا آیا قائدِ اعظم رحمۃ اللہ علیہ اس بار جانبر ہو سکیں گے یا نہیں۔ اور آپ کے یہ الفاظ
ُ ُ ُ۔۔۔۔اردو پاکستان بننے سے پہلے ہی مسلمانوں کی زبان کا درجہ حاصل کر چکی تھی اور ہندوستان کی تقسیم جب مذہب کی بنیاد پر ہوئی تو اس میں اردو کا راستہ صاف تھا۔۔۔،،
یہ کوئی ایسا جواز نہیں کہ مشرقی پاکستان میں اردو کے خلاف اتنی جلدی اور اسقدر شدید اختلاف سامنے آنے کے بعد بھی مشرقی بازو پہ اردو زبان کو ہی مسلط کیا جاتا۔ یہ سب کے علم میں ہے کہ اردو زبان تو اہلِ پاکستانکی یا پاکستان کے کیسی بھی خطے کی مادری زبان یا پہلے سے رائج کبھی بھی نہیں رہی۔ اور اگر آپ کے بقول اردو محض اس لیے کہ یہ مسلمانوں کی زبان قرار دی جاچکی تھی تو یہ اتنی بڑی دلیل نہیں کیوںکہ عربی تو ویسے ہی اہلِ اسلام سے ہمیشہ نزدیک رہی ہے اور ویسے بھی جس جگہ ہمارا تب کا دارالحکومت واقع کراچی واقع ہے وہاں سے عربی نزدیک ہے بہ نسبت اتر پردیش و لکھنؤ وغیرہ سے جہاں کی مقامی آبادی ہندو مسلم کی تمیز کے بغیر اردو بولتے ہیں۔ اور عربی کے بعد فارسی بھی ہماری زبان ہو سکتی تھی کہ روایتی طور پہ صدیوں یہ زبان ہندؤستان کے امراء کی اور درباری زبان رہی ہے۔ جبکہ اردو پاکستان کے کسی حصے کی مادری زبان تب نہیں تھی۔

آپ نے یہ سوال اٹھایا ہے کہ یہ اکیلے لیاقت علی خان کا کارنامہ نہیں ہوسکتا کہ اردو مشرقی پاکستان پہ باوجود احتجاج کے تھونپ دی گئی ہو۔ اس ضمن میں عرض ہے کہ تب موجودہ پاکستان کے لوگ بد قسمتی سے اہلِ لکھنو اور مہاجر ہو کر آنے والے مسلمانوں کی نسبت تعلیم میں ببہت پیچھے تھے اور امورِ ریاست چلانے والے اہم ستون پاکستان کے مقامی باشندے نہیں تھے۔ اور پھر ایل اردو کو سوچے سمجھے ایک پروگرام کے تحت ڈویولپ کیا گیا کہ ایک تو انکی تعلیم زیادہ تھی دوسرے تب یہ خیال عام تھا کہ مہاجر ہونے کے ناطے ان کا حق سب پہ فوقیت رکھتا ہے اور یوں کئی عشرے پاکستان کی خارجہ اور بیوروکریسی پر ایسے لوگ قابض رہے جو اس کے اہل نہیں تھے۔ کہ اتر پردیش ریاست میں جو اگتا تھا سب جانتے ہیں اور جو لوگ وہاں سے ھجرت کر کے آئے ان میں اکثریت ایسے لوگوں کی تھی جنھوں نے بہتی گنگا میں ہاتھ دھوئے اور ھندوں کی چھوڑی ہوئی جائیدادوں پہ ناجائز طور پہ قبضہ کیا۔ قومی اداروں میں بڑے بڑے عہدوں پہ میٹرک پاس نااہل لوگوں کو تعینات کیا گیا اور جب بھی انکی تعلیمی استعداد پہ استفسار ہوا تو کہہ دیا گیا کہ تمام اسناد اور ڈگریاں بلوائیوں نے گھروں سمیت جلاڈالیں۔ جبکہ حقدار اور شریف لوگ تب بھی محروم رہے اور انکی اولادیں آج بھی اپنے حق سے محروم ہیں۔ اور اچکے اور بدمعاش لوگ ان کا حق لے اُڑے۔ جن کی اولادیں آج بھی کراچی میں مسئلہ ہیں۔ مٰن آپ کو ایک مچال سناتا ہوں میرے ایک جاننے والے ہیں وہ بھارت اپنے آباء کا جائے پیدائیش اور علاقہ دیکھنے گئے واپس آئے تو اپنے چچا (کہ انکے والد فوت ھوچکے تھے) سے جو تقسیم کے وقت پاکستان کے موجودہ علاقوں میں ایک سرکاری محکمے میں ملازم تھے، شکوہ کیا کہ وہاں تو ہماری اچھی خاصی جائیدادیں تھیں اور پوری پوری حویلیاں تھیں اور پاکستان جہاں لوگوں نے ناجائز طور پہ قیمتی جائیدادیں ھتیائیں۔ یہاں پاکستان آکر آپ نے اپنی جائیداد کا کوئی کلیم نہیں کیا جبکہ ہم حقدار بھی تھے ۔ تو ان کے چچا کا سادہ سا جواب تھا ُ ُ بیٹا کبھی ملک بھی تقسیم ہوا کرتے تھے۔؟ ہم تو یہ سمجھے یہ چار چھ ماہ کی بات ہے پھر سب کچھ پہلے جیسا ہوجائے گا۔ اور چھ ماہ بعد جب ہم نے کلیم کی کوشش کی تو ہمارے لیے کچھ نہیں بچا تھا۔،، اس مثال سے وہ پس منظر بیان کرنا مقصود ہے کہ جس کی وجہ سے شریف رزیل اور رزیل شرفاء قرار پائے اور اس کا خمیازہ پاکستان آج تک بھگت رہا ہے۔ ایک مثال کراچی ہے۔اصل موضوع کی طرف واپس آتے ہیں نوابزادہ لیاقت علی خان حد درجہ خود پسند شخص تھا ۔ جب نوب آف جونا گڑھ نے پاکستان کے ساتھ الحاق کی صورت میں پاکستان کے تب کی وزیرِ اعظم سے پچاس ہزار بندوقوں کا مطالبی کیا جو اس وقت پورا کرنا چندا مشکل نہیں تھا کہ ایک پوری ریاست پاکستان سے الحاق کر رہی تھی مگی نوابزادہ لیقت علی خان کو یہ بات اس لئیے نہیں گوارہ تھی کہ ہم مطلوبہ بندوقوں کا بندوبست نہیں کر سکتے تھے بلکہ محض اس لیے کہ اس طرح پاکستان میں نوابزادہ لیاقت علی خان کے لکے قتدار و اختیار کو ایک بہت بڑے نواب ( آف جوناگڑھ) کی صورت میں خطرہ لاحق ہو جاتا اور ایک خود پسند نوابزادے نے وہی کیا جہو اس کی خود پسندی نے اسے کہا ۔ لیاقت علی خان نے نواب آف جونا گڑھ کو صاف انکار کردیا۔ ایسے شخص سے یہ امید رکھنا کہ اردو کو اہل مشرقی پاکستان پہ مسلط نہ کرتا ناممکن تھا۔ کیونکہ تب پاکستان کے سیاسی پس منظر پہ زبان ایک کلیدی حیثیت اختیار کر چکی تھی اور اردو والے اردو کے زریعے اپنا وجود اپنے کلچر بودوباش اور ثقافت زندہ رکھنا چاہ رہے تھے اور اپنے وجود کو زندہ رکھنے کی اس کوشش میں ملک کا وجود پارہ پارہ ہو گیا۔

قائدِ اعظم رحمۃ اللہ علیہ کو جب زیارت سے واپس کراچی لایا گیا تو قائدِ اعظم رحمۃ اللہ علیہ کی کو ہوئی جہاز سے لانے کے لیے جس ایمبولنس کو بیجھا گیا اس ایمبولنس میں پٹرول نہیں تھا وہ گھنٹوں زندگی اور موت کی کشمکش میں مبتلا ایمبولنس کے اندر اسٹریچر پر سخت گرمی میں پٹرول کے انتظار میں پڑے رہے اور فاطمہ جناح اپنے قریب الموت شدید علیل بھائی کے سر سے مکھیاں ہٹاتی رہیں اور اس دوران نوابزادہ لیاقت علی خان سرخ قالینوں پہ سلامی لے رہے تھے۔ کچھ محقیقین تق یہاں تک کہتے ہیں کہ قائدِ اعظم رحمۃ اللہ علیہ کو زہر دلوایا گیا۔ واللہ علم الصواب۔
آپ خود ہی فیصلہ کی جیے کہ ایسے حالات میں ریاست کے امور پہ عملاً کس کا قبضہ تھا۔؟

یہ پاکستان کی تاریخ کے وہ المناک پہلو ہیں جنہیں میں نے بہت اختصار کے ساتھ بیان کیا ہے ۔ اور جن پہ ہر دردمند پاکستانی کا دل خون کے آنسو روتا ہے۔ اور نوابزادہ لیاقت علی خان کے محض اقتدار پہ قابض ہونے کے لیے قائدِ اعظم رحمۃ اللہ علیہ کی زندگی میں ہی امریکن سی آئی اے کے ساتھ اپنے ذاتی تعلقات استوار کر لینا۔ پاکستان کی تاریخ میں ایک ایسا واقعہ ہے ۔ ایسی غداری ہے جس کی سزا آج پوری قوم بھگت رہی ہے اور ہم ساری دنیا میں تماشہ بنے ہوئے ہیں ۔

ہماری طرف سے ضروری وضاحت۔
ہم اردو کو تہہ دل سے اپنی قومی زبان تسلیم کرتے ہیں۔
ہم مہاجر یا غیر مہاجر کی تقسیم یا تفریق پہ قطعی یقین نہیں رکھتے۔
ہمارے نزدیک پاکستان کی تمام شہری قابلِ صد احترام ہیں۔
اوپر دی گئی جملہ تفضیلات محض تاریخی طور پہ ریکارڈ کی درستگی کے لیے پڑہی سمجھی جائیں۔ اور ان سے کسی کی دل آَزاری مقصود نہیں۔

خیر اندیش
جاوید گوندل ۔ بآرسیلونا ، اسپین

صرف صدور کی تو بات نہیں کرتا لیکن میرے خیال میں تو جناح کے بعد کوئی ایسی شخصیت پاکستان سے خلوص یا محبت رکھنے کی دعویدار نہیں ہو سکتی جو تھوڑا بہت نام یا شہرت رکھتی ہے یا کوئی بھی۔ جاوید صاحب سے صرف اتنا کہنا ہے کہ اگر کتابیں تک لکھنے سے قاری کی پوری طرح تشفی نہیں ہو سکتی تو وہ ایسا کونسا علم ہے جسکو بنیاد بنا کر ہم کسی کی حب الوطنی اور مسلمانیت پر شک بلکہ بے دریغ الزام تراشی یا بہتان تراشی کر سکتے ہیں؟ میرے خیال میں میں عمر کے اس حصے میں ہوں کہ اس بات سے کافی سارے فائدے اٹھا سکتا ہوں اس لئے مجھے تو ضرور بتائئے گا۔
غلطی معاف لیکن آپکے تبصروں سے تو یہی قیاس کیا جا سکتا ہے کہ آپکی شائد لیاقت علی خان سے کوئی ذاتی دشمنی ہی اُن سے اس قدر شدید نفرت کا سبب ہے۔
مزید یہ کہ اگر قائد کے لیاقت علی خان سے متعلق مذکورہ اقوال کا ریفرنس بھی دے دیا جاتا تو آپکی بات دیوانے کی آہ کی بجائے مدلل اور پُر اثر ہو سکتی تھی۔

لياقت علی پنجابی تھے اور مشرقی پنجاب ميں کرنال ميں پيدا ہوئے-

“Liaquat Ali Khan, the second son of Nawab Rustam Ali Khan, was born on 2 October 1896, in Karnal, India, into an aristocratic Punjabi family. “

http://en.wikipedia.org/wiki/Liaquat_Ali_Khan

“ہمارے نزدیک پاکستان کی تمام شہری قابلِ صد احترام ہیں۔“

تو قاديانيوں کا ذکر کيوں کيا؟ کيا انکو پاکستان کا شہری نہيں سمجھتے؟ آپ جانتے ہيں ظفرالہ خان نے ہی کشمير پہ قرارداديں منظور کروائيں تھيں؟

اکثر ایسا ہوتا ہے کہ پوسٹ کسی اور موضوع پر لکھی جاتی ہے اور تبصروں‌میں بحث کسی اور طرف نکل جاتی ہے۔ ہم نے لکھا پاکستانی صدور کے بارے میں تھا اور بحث ہونے لگی نواب زادہ لیاقت علی کی شخصیت پر۔ کبھی کبھی ایسی صورتحال میں ہم بے بس ہو جاتے ہیں۔ آئندہ کوشش کریں‌گے کہ اس کا کوئی حل نکال سکیں۔ ایک حل تو یہ ہے کہ ایسی بحث کو آگے بڑھانے کیلیے اس پر ایک پوسٹ لکھ دی جائے اور ایسا ہی ہم اب کرنے جا رہے ہیں۔ گوندل صاحب کے تبصرے کو پوسٹ کی شکل میں‌شائع کر رہے ہیں اور امید ہے سب لوگ اس بحث کو اس پوسٹ پر منقل کر دیں گے۔