اسلام کی اصل روح کے مطابق عورتوں کا مسجد میں جانا اور نماز پڑھنا جائز ہے اور اہلِ بیت کی سنت میں سے ہے۔ بیشتر اسلامی ممالک اور پاکستان میں اہلِ حدیث طبقہ کے ہاں خواتین کے لئے نماز کے علیحدہ انتظامات کئے جاتے ہیں۔ لیکن اُن کے لئے مسجد میں‌ مخصوص حصے پردے کی شرائط کے ساتھ ہوتے ہیں ۔ اس طرح مردوں کے ساتھ مخلوط نماز کا کوئی تصور نہیں‌ہے۔

اگر یہ واقعی کسی مسجد کی حقیقی تصویر ہے تو اس میں دوباتوں کا گمان کیا جاسکتاہے، اولآ دین سے ناواقفیت دوئم کسی نئے فقہ کی ایجاد۔
اسلام کے اصول کے مطابق اگر کسی موقع پر عورتوں کو مردوں کے پیچھے نماز ادا کرنی ہو تو اس صورت میں عورت مرد سے اتنی پیچھے کھڑی ہوگی کہ سجدہ کی حالت میں وہ مرد کو قطع یعنی کراس نہ کر رہی ہو۔ نامحرم ہونے کی صورت میں عورت کا اتنے حجاب میں ہونا ضروری ہے کہ اس کی اوڑھنی سے اسکا پورا جسم اور جہاں تک ممکن ہو چہرہ اور ہاتھ ڈھکے ہوں
محترمہ عنیقہ صاحبہ ۔
دین اسلام دین فطرت ہے، عورتوں کے نمار پڑھنے اور باجماعت نماز پڑھنے پر یہاں کوئی پابندی نہیں ہاں اس کا طریقہ وضع کردیا گیا ہے اور ترغیب یہ دی گئی ہے کہ ان کا گھروں میں اور گھر کے اندرونی کمروں میں نماز ادا کرنا مسجدوں میں جاکر نماز ادا کرنے سے زیادہ بہتر ہے۔
ہمیں سینٹرل ایشیا جانے کی کیا ضرورت ہے اگر آپ حرمین شریفین کا مشاہدہ کریں تو عورتوں کے لیے باقائدہ نماز کی جگہیں مقرر ہیں۔ اور وہ نمازیں ادا کرتی ہیں۔
حضور صلعم کے اور اسکے بعد کے زمانے میں مسلمانوں کی ایمان کی نوعیت میں فرق آتا گیا، اب آپ خود ہی بتائیں کہ آپ کو آج کی دنیا میں کتنے ایسے لوگ ملیں گے کہ جو اگر غلطی سے کسی عورت پر نظر پڑ جائے تو دوسری نظر نہیں ڈالیں گے بلکہ اب تو بقول شخصے وہ پہلی نظر ہی نہیں ہٹاتے تاکہ دوسری کی نوبت ہی نہ آئے تو ایسے ماحول میں اپنے آپ کو نامحرموں کی چیر کرکھا جانے والی نظروں سے بچانا زیادہ بڑا جہاد ہے۔

اجمل انکل نے جو بات کہی ہے وہ درست ہے۔ عمومی طور پر ہم ادھوری باتوں سے مکمل نتیجہ اخذ کرنے کی کوشش کرتے ہیں۔ ایسا ہرگز نہیں‌کہ مسلمان چودہ سو برس سے اسلام کے علم سے ناواقف رہے اور اب ایکدم انہیں‌سب کچھ یاد آرہا ہے۔ یہ جو کچھ نیا ہورہا ہے دین میں‌گزشتہ ایک صدی سے یہی اصل بگاڑ ہے اور اکثر حالات میں وجہ بگاڑ‌ہے۔

عنیقہ بی بی!

کی خدمت میں گذارش ہے۔ وہ پڑھی لکھی خاتون ہونے کے ناطے جہاں عام موضوعات پہ معلومات کھنگالتی رہتی ہیں۔ وہیں جب اسلام کے کسی ایسے مسئلے پہ جو کسی وجہ سے متنازعہ ہو۔ اس پہ بڑی احتیاط سے بات کرنی چاہئیے۔ اگر کسی وجہ سے درست معلومات مہیا نہ ہوں تو لازمی نہیں کہ اس پہ ہر صورت رائے دی جائے۔

عورت کی امامت کے بارے میں آپ نے جو غلط نکتہ آفرینی کی ہے۔ جس کا جواب محترم افتخار اجمل صاحب نے دے دیا ہے ۔ جب کہ آپ کے پاس دستیاب وسائل سے آپ درست بات کا اگر پتہ کرنا چاہتیں تو کوئی عجب نہیں تھا کہ آپ درست بات کا پتہ لگا لیتیں۔

آپ رقم طراز ہیں۔۔۔۔۔ہمارے یہاں تو خواتین کی ایک بڑی تعداد پر مساجد میں جا کر نماز پڑھنے پر پابندی ہے۔ ۔۔

بی بی! پاکستان میں خواتین کو مسجد جانے کی کوئی پابندی نہیں ہے۔ دین نے انکے جانے یا نہ جانے کے بارے میں کچھ ) ایڈوائس( مشورے دے رکھے ہیں ۔

آپ کا ارشاد گرامی ۔۔۔ سینٹرل ایشیا کی مسلم ریاستوں میں میری اطلاعات کے مطابق عید کی نماز مرد اور عورتیں ایک ساتھ پڑھتے ہیں۔۔۔۔بی بی! وہاں ایسی کوئی بات نہیں آپ کی اطلاعات غلط ہیں ۔ واقعہ یہ ہے کہ کہ سنٹرل ایشیا کی مساجد کی تعمیری ساخت کچھ اس طرح ہے کہ اسکے بڑے ہال میں گراونڈ فلور ہے جہاں مرد حضرات نماز پڑھتے ہیں اور اس ہال کے اطراف میں جھروکے کی طرز پہ بنی دوسری منزل پہ خواتین نماز ادا کرتی ہیں۔ اگر پورے قد سے کھڑا ہو کر دوسری منزل سے دیکھا جائے تو کسی حد تک گراونڈ فلور کے ہال کا حصہ نظر آتا ہے۔اسلئیے گزارش ہے کہ آپ اپنی اطلاعات درست کر لیں۔

آپ رقم طراز ہیں۔۔۔سینٹرل ایشیا کی مسلم ریاستوں میں میری اطلاعات کے مطابق عید کی نماز مرد اور عورتیں ایک ساتھ پڑھتے ہیں۔ اسکا کیا طریقہ ہوتا ہے یہ مجھے نہیں معلوم۔ ہمارے یہاں تو خواتین کی ایک بڑی تعداد پر مساجد میں جا کر نماز پڑھنے پر پابندی ہے۔ مگر کچھ اسلامی ممالک میں ایسا نہیں ہوتا۔ آخر اتنا فرق کیوں ہے ایک مذہب کے ماننے والوں میں۔ سوچنا چاہئے۔ ہم م م م۔۔۔۔

ایک بات واضح کرتا چلوں دنیا کے کسی بھی مسلمان ملک میں اسلام کی رُو سے مردوزن کی مخلوط نماز کا تصور نہیں ۔ مرد امام کے اقتداء میں خواتین باجماعت نماز پڑھ سکتی ہیں مگر مردوں کی جماعت سے پیچھے یا خواتین کے لئیے مخصوص کیئے گئے حصے میں خواتین نماز ادا کرسکتی ہیں مگر اس کے لئیے بھی چند ایک شرائط ہیں۔

اس مسئلے اور اس جیسے دیگر کئی معاملات کو موجودہ دور کے مردو خواتین کے مساوی اختلاط کے معروف مغربی چلن (فیشن) کے تناظرمیں نہیں دیکھنا جانا چاہئیے۔ کیونکہ مرد و زن کے کی جسمانی ساخت و اہلیت اور قابل احترام خواتین کی مضبوط ذہنی اہلیت ، قوت ارادی اور مسلسل قوت کار کی وجہ سے خواتین کو اسلام نے انکے خاندان کی نشو نما تعلیم وتربیت وغیرہ کی بھاری زمہ داریاں عائد کر رکھیں ہے جسطرح مردوں کو کنبے کی کفالت کی ذمہ داری عائد کر رکھیں ہیں۔ اسلئیے ان کی ذمہ داریاں الگ الگ مگر مقاصد مشترکہ ہیں۔

ہمیں یہ تسلیم ہے۔ پاکستان میں باقی دیگر مذاہب کی طرح کچھ لوگ مسلمان ہوتے ہوئے اور مسلمان کہلاتے ہوئے اپنے آپ کو لبرل پیش کرنے میں فخر محسوس کرتے ہیں۔ یہ کسی کا ذاتی فعل ہے جو کرے گا وہ بھگتے گا۔ مگر پاکستان میں مسلم اکثریت بستی ہے اسطرح کی سوچ رکھنے والوں کو اکثریت کے مذہبی جزبات کا خیال رکھنا چاہئیے ۔ جبکہ مغربی جمہوریت بھی یہی درس دیتی ہے۔

میرے خیال میں یہ معاملہ کچھ اور ہے۔
گو میں یہ قیاس کی بناء پر کہہ رہا ہوں لیکن ممکنات میں سے ہے۔
یہ غالبآ فیصل مسجد کی تصویر ہے۔ فیصل مسجد میں مین ہال کے باہر خواتین کی کھلی جگہ پر(کوئی پردہ یا دیوار بیچ میں نہیں) نماز پڑھتی ہیں۔ 14 اگست پر میں نے عشاء وہاں پڑھی تھی۔ اس دن اتنا رش تو تھا نہیں کہ مرد حضرات ہال کے باہر تک صفوں میں کھڑے ہوتے لیکن جمعہ(وہ بھی رمضان کا) میں عین ممکن ہے کہ رش کیوجہ سے صفیں خواتین کے برابر آگئی ہوں۔ واضح رہے کہ فیصل مسجد خواتین کی نمازکی جگہ بائیں طرف ہے اور مردوں کی دائیں طرف(جیسا کہ تصویر میں ہے)۔ مردوزن کے جائے نماز میں یہاں کوئی بڑا فاصلہ نہیں اور رش میں ایسے فاصلے (بلکہ سڑکیں تک) صفیں بن جاتی ہیں۔

میں عنیقہ ناز صاحبہ کی خدمت میں عرض کرنا چاہتا ہوں کہ ان کا یہ دعوٰی غلط ہے “پاکستان میں سوائے اہل حدیث کے کسی اور فقے کی خواتین کو مسجد نہیں جاتیں”۔
میں اہلِ حدیث یا ديو بندی یا بریلوی نہیں ہوں ۔ میں اسلام آباد میں جن مساجد میں نماز پڑھتا رہا ہوں وہ اہلِ حدیث کی نہیں ہیں مگر ان مساجد میں خواتین کیلئے نماز کا بندو بست ہے ۔ خواتین نماز اور خواتین رمضان میں نماز تراویح پڑھنے بھی آتی ہیں ۔یہ لوگ بریلوی فرقہ سے بھی نہیں ہیں ۔میں سکول اور کالج کے زمانہ میں راولپنڈی کی جامع مسجد میں نماز پڑھا کرتا تھا جو بریلوی فرقہ کی تھی ۔ وہاں بھی سینکڑوں کی تعداد میں خواتین نماز جمعہ پڑھنے آتی تھیں ۔ ان تمام مساجد میں نہ صرف خواتین کے نماز پڑھنے کی جگہ الگ ہے بلکہ راستہ بھی الگ ہے ۔ کراچی میں بھی اہلِ حدیث کے علاوہ دوسری خواتین بھی مساجد میں نماز پڑھتی ہیں ۔ ترکی کی مثال جاندار نہیں وہاں کے حالات کوئی مسافر نہیں جان سکتا ۔ مساجد سلطنت عثمانیہ کے زمانے کی ہیں اسلئے ان میں خواتین کے نماز پڑھنے کا بندوبست ہے ۔ ترکی کا موجودہ نظام سیکولر ہے اور بہت سی خرابیاں موجود ہیں جو میں لکھنا پسند نہیں کرتا ۔
دوسری بات جو حوالا کی ہے عورت کی امامت کے متعلق ۔ تو عرض ہے کہ میري لائبریری اسلام آباد میں ہے اور میں لاہور میں اسلئے نہیں حوالا دے سکتا ۔ حدیث پڑھ ليجئے ۔ اس میں مل جائے گا ۔ یہ یاد رکھیئے کہ حدیث کے مقابلہ میں کسی اور کی تحریر کوئی وزن نہیں رکھتی

عنیقہ بی بی!

آپ میرے سارے جملہ تبصرے کو اپنے لئیے سمجھ بیٹھیں۔ اسمیں کچھ باتیں تصویر نگار اخبار کے لئیے بھی تھیں۔ بی بی! ایسے کسی مباحثے کو ایک مکالمہ کے طور پہ سمجھنا چاہئیے۔اور کسی چیز کو ذاتی نہیں لینا چاہئیے کہ کم از کم میری حد تک میں سب کو یہ یقین دلاتا ہوں میرز مقصد ہر گز ھرگز یہ نہیں ہوتا کہ کسی کو نیچا دکھایا جائے یا کسی کی دل آزاری کی جائے۔ بہر حال آپ کی اسقدر ناراضگی سمجھ سے بالا ہے۔

آپ نے لکھا ہے کہ ۔۔۔ ایک خاتون نے بتایا کہ عید کے موقع پر وہاں واقع ایک گراءونڈ میں نماز ادا کی جاتی ہے جہاں ہم سب ساتھ ہوتے ہیں۔ اب بتائیے آپکی بات پر یقین کروں یا اس قازق لڑکی کی بات پر۔۔۔۔

بی بی! دنیا بھر میں جہاں نمازِ عیدین کے اجتماعات کا بندوبست کیا جاتا ہے وہاں ایک ہی میدان وغیرہ میں مسلمان مردوزن اکھٹے نامز پڑھتے ہیں مگر اس میں بھی مسلمان مرد آگے اور خواتین پیچھے ایک طرف ہوتی ہیں۔ اور بہت دفعہ وقت کی اور اسباب کی قلت کی وجہ سے درمیان میں پردہ کا بندوبست نہیں ہوتا۔ مگر اسے کسی بھی صورت میں خواتین اور مردوں کی مخلوط نماز نہیں کہا جاسکتا۔

یہی صورت وسطی ایشائی مسلمان ریاستوں کی ہے۔

احمد صاحب سے گزارش ہے ۔ کہ جہاں تک مجھ سے ممکن ہو سکا میں اپنی ذاتی معلومات کی حد تک درست بات کہنے کی کوشش کرتا رہوں گا، سوال کرنے والا خواہ کوئی بھی ہو۔ یہ الگ بات ہے کہ مجھے بھی انسان ہونے کے ناطے کسی بارے معلومات میں غلطی لگ سکتی ہے۔

میرے خیال سے میں نے کہیں پڑھا تھا کہ ایک ہی وقت میں‌ایک ہی جگہ مرد و زن اگر نماز پڑھنا چاہیں تو عورت کو مرد سے پیچھے ہونا چاہیے اس کے علاوہ معلوم نہیں ان اسلامی ممالک میں کیسا اسلام ہے جو عورت کو غیر مرد کے ساتھ چپک کر کھڑا ہونے کی اجازت دیتا ہے۔

اور ہاں میں نے حضرت ام ورقہ کے حوالے سے مندرجہ بالا بات ڈاکٹر حمید اللہ کے “خطبات بہاولپور” میں سنن ابی داؤد اور مسند احمد بن حنبل کے حوالے سے پڑھی ہے۔

شکریہ ابو شامل ، بہت عمدہ انداز میں اور علمی گفتگو سے اس موضوع کو آگے بڑھایا ہے۔

واعتصمو بحبل اللہ جمیعا ولا تفرقوا
اور اللہ کی رسی (دین) کو مضبوطی سے تامے رکھو اور فرقو میں مت پڑو۔۔۔۔۔۔۔