صرف عبداللہ نامی شخص کے تبصرے ڈیلیٹ کر دیا کریں ۔ آپ خود فرق محسوس کریں گے۔ اس شخص کے تبصرے بات کو کہاں سے کہاں لے جاتے ہیں۔ اس کے تبصرے ڈیلیٹ کرنے سے ایک دو اور بلاگ بھی بتدریج درست ہو گئے۔ اجمل انکل کا بلاگ بھی اس لعنت سے پاک ہے۔

افضل صاحب ۔ آپ کی اس تحرير نے مجھے پريشان کيا ہے ۔ آپ کمپيوٹر کے اتنے پرانے کھلاڑی اور پاکستان کی بہترين انجيئرنگ يونيورسٹی کے گريجوئيٹ ہيں اور آپ ان چند کوتاہ انديشوں سے نپٹ نہيں سکتے ۔ اگر آپ ناپسنديدہ تبصرہ نگار کو بلاک کرنا چاہتے ہيں تو سيٹنگز ميں ڈِسکشن ميں جا کر مقررہ خانہ ميں اُس کا نام جيسے وہ آپ کے بلاگ پر لکھتا ہے لکھ ديجئے ۔ اس کے بعد جن کے نام آپ لکھيں گے ان کے تبصرے بغير آپ کے اپرووال کے شائع نہيں ہو نگے

افضل صاحب ۔

آپ کے تجاہل عارفانہ کو کیا نام دیا جائے؟۔

ایک زمانہ تھا کہ آپ کی تحریر اچھی خاصی مفصل ہوتی تھی۔اور ٹانگ کھینچھنے کا آغاز کرنے پہ آپ بے ہودہ تبصرہ دہندگان کو انتباہ کرتے اور اگر کوئی باز نہ آتا تو اسکا تبصرہ بھی حذف کر دیا کرتے۔ آپکی موڈریشن اور غیر جانبداری پہ رشک آتا تھا۔

پھر آپ نے اپنی تحریر کو مختصر اور کبھی کبھار کیا ۔ اور درمیان میں آپ یوں گم ہوئے کہ دیدہ و بایدہ۔ اور یقین مانیں ہمیں آپکی خریت کی پریشانی ہونے لگی پھر آپ نے بتایا کہ ونڈوز سیون کی وجہ سے آپ انٹر نیٹ پہ کچھ لکھنے پہ کامیاب نہیں ہورہے ۔ ٹھیک اسکے بعد آپ کی تحریروں یہ تاثر ملتا کہ یہ جلدی میں لکھی گئی ہیں اور آپ ان مختصر ترین تحریروں سے مباحثے کی بجائے تنازعہ پیدا کرنا چاہتے ہیں اور ساتھ ہی آپ نے ہر قسم کی موڈریشن ذمہ داری سے ہاتھ کینچھتے ہوئے ایک خاص تبصرہ نگار کو ہر قسم کی چھوٹ دی جو ہمیشہ دوروں کو زچ کرنے کے لئیے غلیظ زبان اور غیر متعلقہ بات چھڑتے ہوئے اپنی مخصوص زمین پہ کینچھنے کی کوشش کرتا ہے۔

وہ یوں کرتا رہا ۔ آپ اپنی پرانی اور نہائت شستہ روش چھوڑ کر خاموش رہے۔ اور مجھ پہ ہی نہیں بہت سے لوگوں نے سوچا کہ شاید آپ بھی یوں بلاگ کی رونق بڑھا رہے ہیں۔ جیسے کہ آجکل ایک آدھ اور بلاگر کا بھی یہ وطیرہ ہے۔ کہ کہاں تو آپ اپنی نہائت عمدہ تحریروں پہ نہائت تحمل سے اپنی رائے سے بھی دوسروں کو آگاہ کرتے ، انتباہ جاری کرتے ۔ اور ضرورت پڑتی تو کچھ تبصرے حذف کر دیا کرتے تھے اور کہاں آپ چند جملے لکھ کر لوٹ کر اپنے بلاگ کی خیریت تک معلوم نہیں کرتے رہے۔

آپ اپنی پچھلی تحریر سے آغاز کرتے ہوئے اس سے سبھی پچھلی تحریروں کے تبصروں پہ ایک نظر دوڑائیں آپ کو سارا منظر نامہ واضح طور پہ نظر آجائے گا۔ ایسے میں آپ نے سبھی کو ایک ہی ایک جیسا کہہ کر کمال عارفانہ تجاہل کا مظاہرہ کیا ہے۔ جو درست بات نہیں۔

اپنی پچھلی تحریر پہ دیکھیں کہ اس بے ہودگی کا آغاز کس نے کیا ؟ اور اگر آپ محض عبداللہ کے تبصروں کا کوئی حل کر سکیں تو آپ کا بلاگ کبھی اکھاڑے کا منظر پیش نہیں کیا کرے گا۔

افتخار اجمل صاحب اور بدتمیز صاحب کے تبصروں پہ بھی غور کی جئیے گا۔ پچھلی تحریر پہ اس نے نام بدل کر یاسر جاپانی خواہ مخواہ نامی صاحب کا نام استعمال کر کے انکی طرف سے مجھے گالیاں لکھ رکھی ہیں جو آپ کے بلاگ کی ابھی تک زینت بنی ہوئی ہیں جبکہ مجھے علم ہے کہ یاسر جاپانی صاحب کا کام نہیں اور نیز ایسی حرکت کون کر رہا ہے اور حیرت ہوتی ہے کہ آپ جو صاحب بلاگ ہیں آپ کو اس بارے علم نہیںـ؟

واللہ آپکی اس غیر جانبداری، لاعلمی اور معصومیت پہ حیرت ہوتی ہے۔

گوندل صاحب معذرت میرے نام سے کیا گیا تبصرہ میں دیکھ نہ سکا۔

تبصرہ خانے پر لکھ دیتے کہ گالی گلوچ اور غیر مہذب تبصرے شائع نہیں ہونگے
بجائے اس کے ایک پوسٹ لکھ دیئے!!

شعیب، ہندوستان سے

یاسر جاپانی، لو بھئی تمہاری خواہش پوری ہوئی،

ایک سرکاری اہلکار نے تصدیق کی کہ امریکی جاسوس طیارے کے حملے میں ہلاک ہونے والوں میں حرکت الجہاد الاسلامی کے رہنما الیاس کشمیری بھی شامل تھے۔
سرکاری اہلکار نے اپنا نام ظاہر نے کرنے کی شرط پر بی بی سی کو بتایا ہے کہ ڈرون حملے میں ہلاک ہونے والے دیگر افراد میں محمد ابراھیم، فاروق احمد ، امیر حمزہ ، محمد عثمان ، محمد نعمان، عمران اور عبدالقدوس شامل ہیں جبکہ ایک شخص کا نام معلوم نہیں ہو سکا۔
دریں اثناء برطانوی خبر رساں ادارے رائٹرز کے مطابق حرکت الجہاد الاسلامی کے ایک ابو ہنزلا کاشیر نامی ترجمان نے مقامی ٹیلی ویژن کو ایک بیان فیکس کیا ہے جس میں کہا گیا ہے کہ’ ہم اس کی تصدیق کرتے ہیں کہ ہمارے رہنما اور کمانڈر انچیف محمد الیاس کشمیری اپنے دیگر ساتھیوں سمیت تین جون کو رات گیارہ بج کر پندرہ منٹ پر ہونے والے ڈرون حملے میں ہلاک ہو گئے ہیں۔‘

جيسے جيسے جہادی کم ہونگے ويسے ويسے جرنيل اور امير ہوں گے۔

چونکہ اس پوسٹ پر ہدایت نامے لکھے جارہے ہیں تو ایک ہدایت نامہ میری طرف سے بھی۔۔۔۔۔۔!!!

محمد حنیف

بی بی سی اردو ڈاٹ کام، کراچی

ہدایت نامہ برائے صحافی برادری
1۔قلم اٹھانے سے پہلے بلند آواز میں کہیں کہ ملک اس وقت نازک حالات سے گزر رہا ہے۔ اگر ملک کا خیال نہیں ہے تو لکھنے سے پہلے اپنے جسم کے نازک حِصوں کے بارے میں سوچیں، ان پر اگر نازک وقت آگیا تو کیا ہوگا؟

2۔اگر کسی خبر میں مسلح افواج کا ذکر آئے تو اس کے لیے فوج کا لفظ استعمال مت کریں، عسکری یا مقتدر حلقوں میں سے کسی ایک کا انتخاب کریں۔ بلکہ آپ کی اور آپ کے اخبار کی صحت کے لیے بہتر ہوگا کہ لفظ مقتدرہ استعمال کریں۔ بزرگ پڑھنے والے سمجھیں گے کہ آپ مقتدرہ قومی زبان جیسے اداروں میں فخرزمان یا افتخار عارف کاحوالہ دے رہے ہیں ، نوجوان سوچیں گے کوئی نئی عربی ڈش ہے۔ اسے کہتے ہیں کہ رند کے رند رہے ہاتھ سے جنت نہ گئی۔

3۔اگر آپ کی طبیعت شاعری کی طرف مائل ہے تو یہ شعر خوشخط لکھ کر اپنے سامنے آویزاں کرلیں۔

لےسانس بھی آہستہ کہ نازک ہے بہت کام

آفاق کی اس کار گہہِ شیشہ گری کا

4۔ کیا پلاٹ لے لیا ہے؟ اگر کل مرجاؤ گے تو بچے کیا تمہارے ضمیر کا اچار ڈال کر کھائیں گے؟

5۔ ہمارا خیال ہے کہ اگر کراچی میں صحافت کرتے ہیں تو وہ آفاق والا شعر اتار دیں۔ کہیں کوئی یہ نہ سمجھ لے کہ آپ آفاق گروپ کے آدمی ہیں۔

6۔ جیسے ہی کسی خبر میں لفظ بلوچ، بلوچی یا بلوچستان آئے تو اس کو کاٹ کر لفظ نامعلوم ڈال دیں۔ مثلاً َ کچھ نامعلوم افراد ایک نامعلوم شخص کو اغواء کر کے ایک نامعلوم مقام پر لے گئے جہاں اس پر نامعلوم طریقے سے تشدد کر کے نامعلوم جگہ پر پھینک دیا گیا۔

7۔یہ لکھنا نہ بھولیں کہ نامعلوم افراد کے خلاف ایک نامعلوم مقدمہ درج کر لیا گیا ہے۔

8۔اگر بچپن میں کہیں قلم اور تلوار کی طاقت والا لطیفہ سنا تھا تو اسے بھول جائیں اب اس پر کوئی نہیں ہنستا۔

9۔قومی سلامتی کے امور پر لکھنے سے پہلے وضو کر لیں اور اگر ایمان کمزور ہے تو اس طرف مت جائیں۔ اور بہت سے موضوعات ہیں جن پر لکھا جاسکتا ہے ، ہمارے گٹر کے ڈھکن کون چراتا ہے، بھکاری مافیا کے نئے انداز، قبضہ گروپ کی کارستانیاں وغیرہ وغیرہ۔

10۔لیکن یاد رہے کہ قبضہ گروپ اور مقتدرہ کا ذکر ایک ساتھ نہ آئے۔

11۔اس ہدایت نامے کے عنوان میں برادری کے مطلب کہنے کے لیے کسی پنجابی بھائی سے رجوع کریں۔ چیمہ، چٹھہ، کیانی ویسے تو سب برادریاں کہلاتی ہیں لیکن برادری کے اندر چھوٹے بڑے کا احترام ضروری ہے۔ مثلا َ َ کیانی برادری کے اندر ایک فالسے کی ریڑھی لگانے والا بھی ہو سکتا ہے اور ایک میجر بھی۔ پہلے برادری میں اپنے مقام کا تعین کریں۔ اس سے پہلے کہ برادری آپ کو اپنا مقام یاد کرائے، برادری میں اپنا مقام پیدا کریں۔

12۔بعض ناعاقبت اندیش لوگ ہمارے ملک کی خفیہ ایجنسیوں کو ان کے نام سے پکارنے لگے ہیں یا انہیں خفیہ ایجنسیاں کہہ کر بلانے لگے ہیں۔ حالانکہ ان کے بارے میں کوئی بات خفیہ نہیں ہے۔ آپ پرلازم ہے کہ انہیں ہمیشہ حساس ادارے کہہ کر پکاریں۔ اگر آپ اپنے حساس اداروں کے بارے میں لکھتے ہوئے اپنے محسوسات کو ایک طرف نہیں رکھیں گے اور معاملے کی حساسیت کا خیال نہیں کریں گے تو ہوسکتا ہے کہ آپ کے جسم کے کسی حساس حصے پر ضرب آئے اور پھر آپ بلبلاتے ہوئے حساس اداروں کو الزام دینے لگیں، حالانکہ آپ کو پہلے ہی بتا دیا گیا تھا کہ ملک نازک دور سے گزر رہا ہے۔

مشورے بعد میں دونگی پہلے تو یہ بتائیں کہ جاوید گوندل صاھب پہ کوء پابندی لگانے کی بات کیوں نہیں کرتا۔ اس لءے کہ وہ ایک ھلقے کے پسندیدہ مبصر ہیں۔
اکثر گری ہوئ زبان استعمال کرتے ہیں، حد سے زیادہ تعصبیت پہ مبنی خیالات انکے ہماری نظر سے گذر چکے ہیں۔دروغ گوئ بھی خوب کرتے ہیں ۔۔
درھقیقت مجھے یہ کہنے میں عار نہیں کہ وہ بھس میں چنگاری ڈال کر بئ جمالو دور کھڑی کا عملی نمونہ ہیں۔ مگر چونکہ جزاک اللہ گروپ کے سرگرم کارکن ہیں اس لئے انکی طرف ٹیڑھی نظر تو کیا انکے خلاف بات بھی برداشت نہیں کی جا سکتی۔ اور وہ سارے لوگ جو عبداللہ کے خلاف پابندی کی بات کرتے ہیں انکی اکثریت وہ ہے جو ایم کیو ایم کو سخت نا پسند کرتی ہے جبکہ عبداللہ کا قصور یہ نظر آتا ہے کہ وہ ایم کیو ایم کی طرف جھکائو رکھتے ہیں۔ اب چونکہ اس وقت بلاگستان میں اینٹی ایم کیو ایم لوگوں کی اکثریت ہے جسکی اپنی وجوہات ہیں ۔ اور میں انکی تفصیل میں نہیں جانا چاہتی تو جناب عبداللہ پہ پابندی لگاءو اور جاوید گوندل کو مفتی بناءو جیسے نعرے سامنے آتے رہتے ہیں۔ آپ لوگ جاوید گوندل پہ کیوں فدا رہتے ہیں۔ انکی اخلاقی خوبیوں کی وہ نمایاں مثالیں بتائیے جس پہ انہیں عبداللہ پہ ترجیح دی جائے۔ اور آپ خود نہ بتا پائیں تو انہیں دعوت ہے کہ وہ آکر ثابت کریں کہ ان ان خصوصیات کی بناء پہ میں عبداللہ سے کہیں بہتر ہوں۔
مشورے یہ ہیں۔
نمبر ایک ، اپنے بلاگ کی سیٹنگ ایسی کر لیں کہ جو آپکے پاس مبصر کی حیثیت سے رجسٹر ہو صرف وہی آکے تبصرہ کر سکے۔
نمبر دو، اپنے پسندیدہ مبصرین کی ایک فہرست بنا کر اسی طرح ساتھ لگا دیں جس طرح پسندیدہ بلاگرز کی لگائ ہوئ ہے۔ اسکے بعد بھی کسی میںجذبہ ہو تو آکے تبصرہ کر لے۔
نمبر تین، ماڈریشن لگا دیں، جسکے پسند نہیں آتے ہٹا دیں۔
آخیر میں یہ کہ وہ سارے بلاگ جہاں پہ ہمخیال لوگوں کے علاوہ کوئ تبصرہ نہیں کرتا وہاں امن و امان رہتا ہے۔ جہاں اختلاف ہو گا وہاں ہنگامہ ہوگا۔ اب آپ فیصلہ کر لیں کہ ڈیڑھ اینٹ کی مسجد بنانا چاہتے ہیں یا برداشت کرنا ہے۔

ہم مسلمان ہیں لڑیں گے نہیں گالیاں نہیں نکالیں گے تو اور کیا کریں گے۔۔کیونکہ ہم مسلمان جو ہیں اور یہی مسلمانی کا لیبل ہمیں جنت میں لے جائے گا۔۔۔۔۔شاید اسی خام خیالی میں رہتے ہوئے ہم اپنے آپ کو گمراہی میں دھکیل رہے ہیں

جناب آپ نے تو بھیڑوں اور بھیڑیوں کو اکٹھا کر دیا۔۔۔ افسوس

بچپن میں کھیل کے دوران اکثر لڑائی ہوجاتی تھی، تو کہا کرتے تھے کہ:
لڑائی لڑائی معاف کرو: اللہ کا گھر صاف کرو۔
تو
بھائیو:
لڑائی لڑائی معاف کرو: بلاگستان صاف کرو۔