وقار کے تبصرے سے اتفاق کروں گا۔

پوسٹ‌ٹرامیٹک سٹریس ڈس‌آرڈر

وقار علی روغانی صاحب نے لکھا ہے ۔ُ ُ جنگ اور لڑائی اچھی چیز نہیں ۔۔۔۔ بلکہ قران کے الفاظ میں جنگوں میں قوموں کے عزت رکھنے والے لوگ بے عزت ہوجاتے ہیں ۔ معاش تباہ ہوجاتا ہے اور قوم بھیک مانگنے پر مجبور ہوجاتے ہیں ؛ اسلئے ہم جنگوں کے خلاف ہیں اور آپ کو اسی تناظر میں جنگ کے خلاف لکھنا ہم جنگوں کے خلاف ہیں اور آپ کو اسی تناظر میں جنگ کے خلاف لکھنا چاہیئے تھا،،
آپنے دو موضوع اکھٹے کردیے ہیں اؤٌٌٌل ۔: جنگ کے خلاف لکھنے کی ترغیب( غالباََ آپ کی جنگ سے مراد افغانستان اور عراق پہ امریکہ کی مسلط کی گئی جنگ ہے) ۔ اگر آپ یہی کہنا چاہتے ہیں تو یہ احسن سوچ ہے۔ ایسی جنگ کی مذمت کی جانی چاھیے ۔ اور ہم بھی اس جنگ کی مذمت کرتے ہیں۔
دوئم ۔: قرآنِ کریم سے جنگ کے خلاف آپکا حوالہ ہے۔ جسمیں آپ سیاق و سباق سے ہٹ گئےہیں۔قرآنَ کریم یا اسلام نے یہ نہیں کہا کہ آپ پہ حملہ کر دیا جائے جیسا کہ امریکہ نے افغانستان اور عراق پہ کر رکھا ہے اور آپ ُ ُ بے عزت ہوجانے ۔ معاش تباہ ہوجانے اور قوم کے بھیک مانگنے ۔۔۔،، وغیرہ کے اندیشہِ ھائے دور است کی وجہ سے اپنا دفاع نا کریں ۔ مقدور بھر جواب بھی نا دیں ۔بلکہ اسلام میں تو آگے بڑھ کر دشمن کے دانت کھٹے کرنے کا حکم ہے ۔نیز اسلام نے زمانہ امن میں اپنی افواج اور سازو سامان کو تیار رکھنے اور ان کی نمائش وغیرہ کرتے رہنے کا حکم دیا تاکہ دشمن پہ رعب داب قائم رہے اور دشمن شرارت سے باز رہے ۔
جہاں تک موضوع ُجنگ کھیڈ نئیں زنانیاں دی، کا تعلق ہے تو میری ذاتی رائے میں جنگیں جیتنے کے لئیے صرف بہادری کے علاوہ معقول تریبت، مناسب ھتیار وغیرہ۔ جو بلاشبہ ہر لحاظ سے امریکہ کے پاس ہیں۔ کے ساتھ ایک اہم عنصر ُمردانگی، بھی ہے ۔(یہاں مردانگی سے مراد جسمانی طور پہ مرد ہونا نہیں) اور مردانگی یہ نہیں ہوتی کہ دنیا کا ترقی ترین یافتہ ملک دنیا کے غریب ترین اور پسماندہ ترین ملک کے خلاف بغیر کسی اخلاقی جواز کے صف آراء ہو جائے ۔ایسے ملک کے سپاہی لوگ ہر قسم کے اخلاقی جواز سے عاری ہونے کی وجہ سے جلد یا بدیر لازمی طور پہ ضمیر پہ بوجھ محسوس کرتے ہیں اور ُضمیر کا بوجھ، جسکا کوئی مداوا نہیں ، ذہنی بیماریاں تو کُجا خود کشی تک مجبور کر دیتاہے‌۔
میری ذاتی رائے میں اخلاقی جواز ہی مردانگی ( ذاتی یا قومی) پیدا کرتاہے کہ کمزور سے کمزور قومیں طاقتور سے طاقتور قوموں کا مقابلہ کرنے کے لئیے سر بہ آمادہ ھوجاتی ہیں اور نصرت و کامرانی کے شادیانے بجاتی ہیں ۔ تاریخ ایسے واقعوں۔ ایسی مثالوں سے بھری پڑی ہے۔ امریکہ کی اپنے سے ھزاروں گنا کمزور افغانستان اور عراق پہ چڑھائی کرنا اور انکی اینٹ سے اینٹ بجا دینا مرادنگی نہیں- کمزوروں پہ چڑھائی مردوں کا شیوہ نہیں ۔ شاید اس لئیے بھی ُجنگ کھیڈ نئیں زنانیاں دی، کہا گیا ہے۔
خیر اندیش
جاویدگوندل ۔ بآرسیلونا ، اسپین

محترم! وقار علی روغانی صاحب!
آپکے اؤلاََ تبصرے میں۔ قرآن ِ کریم کے حوالے بارے۔ سیاق و سباق سے متعلق۔ مدعامحض اتنا سا ہے۔ کہ جو بہن بھائی سرسری طور پہ پڑہیں تو وہ ذہنی طور پہ الجھے نہیں۔ کہ قرآن سے ثابت ہوتا ہے کہ جنگ وجدل ہر صورت میں منع ہے اور جیسا کہ آپ نے سورہ النمل سے ۔ ۔ ۔ بے عزت ہوجانے ۔ معاش تباہ ہوجانے اور قوموں کے بھیک مانگنے پر مجبور ہوجانے کا حوالہ دیاہے شاید اسکی وجوہات بھی قرآنِ کریم نے بیان فرمائی ہیں ۔ جبکہ درحقیقت ایسا نہیں اور قرآنِ کریم نے جہاد اور جنگ کے بارے میں واضح احکامات دیے ہیں اور سچ تو یہ ہے کہ جب تک مسلمان باعمل ،صالح اور اپنے حقوق کی خاطرجنگ و جہاد میں حصہ لیتے رہے تب تک دنیا میں انکی عزت تھی ۔
آپکے قرآنی حوالے کے سیاق و سباق کے ضمن میں گذارش ہے کہ ہد ہد نامی پرندہ سیدنا سلیمان علیہ السلام کوملکہ بلقیس یعنی ملکہ شہرِسبا کے بارے میں آکراطلاع دیتا ہے قرآنِ کریم میں ارشاد ہے ُ ُاور دیکھا ہے میں نے اس کو۔ اور اس کی قوم کو۔ کہ وہ سجدہ کرتے ہیں سورج کو اللہ کی بجائے۔ اور خوشنما بنادیے ہیں انکے لئیے شیطان نے انکےاعمال۔ اس طرع روک دیا ہے انھیں سیدھے راستے سے۔ لہٰذاہ اب وہ راہ نہیں پاتے‘‘ سورۃ النمل آیت نمبر 24 ۔ یعنی ہد ہد نے سیدنا سلیمان علیہ السلام کو اطلاع دی کہ ملکہ سبا کی قوم سورج کو سجدہ کرتے ہیں اورشیطان نے ان کے اعمال کو اسطرع سے خوشنما بنا رکھا ہے کہ انھیں سیدھے رستے کی جستجو ھی نہیں رہ لہٰذاہ انھیں سیدھا رستہ نہیں مل پا رھا۔ جس کے جواب میں سیدنا سلیمان علیہ السلام مکہ سبا کو ایک عدد خط بیجھتے ہیں جسممیں لکھا ہوتا ہے۔ ارشادِ قرآنِ کریم ُ ُکہ نا سرکشی کرو تم میرے مقابلے میں اور حاضر ہو جاؤ میرے پاس فرمانبرادر بن کر‘‘ سورۃ النمل آیت نمبر 31 تب ملکہ بلقیس اپنے درباری امراء سے مشاورت کرتی ہے اور جب اسکے درباری اسے کہتے ہیں کہ ہم طاقتور اور سخت جنگو ہیں اور ملکہ انہیں جنگ پہ آمادہ دیکھ کر جنگ سے باز رہنے کےلئیے جنگ کے نقصان گنواتے ہوئے دلیل دیتی ہے رشادِ قرآنِ کریم ُ ُملکہ کہنے لگی بلاشبہ بادشاہ جب داخل ہوتے ہیں کسی بستی میں تو اجاڑ دیتے ہیں اسے اور کر دیتے ہیں وہاں کے عزت داروں کو ذلیل اور ایسا ہی یہ بھی کریں گے‘‘ سورۃ النمل آیت نمبر 34
She said, ‘undoubtedly, when the kings enter any town ruin it and disgrace its honorable inhabitants, and thus they do
اس پتہ چلتا ہے کہ جب ملکہ بلقیس کے درباریوں نے اپنے طاقتور اور جنگو ہونے کا زعم دکھایا تو ملکہ بلقیس نے ایک دلیل کے طور پہ یہ الفاظ اپنے درباریوں کو کہے تھے کہ جب بادشاہ کسی شہر کو فتح کرتے ہیں تو اسے تباہ کر دیتے ہیں اور شرفاء کو ذلیل کر دیتے ہیں اور سیدنا سلیمان علیہ السلام بھی یوں ہی کرینگے ۔ جبکہ یہ واقعہ اسلام کے ظہور سے ھزاروں سال قبل پیش آیا۔
اس تو یہ ثابت نہیں ہوتا کہ جب جنگ مسلط کر دی جائے یا ظلم حد سے بڑھ جائے تو اسکے خلاف جنگ یا جہاد نہیں کرنا چاھیے؟۔ اور اس پورے پس منظر میں جہاد سے روکنے کی کوئی گنجائش نہیں نکلتی ۔ یہ سب جملہ تفضیلات لکھنے کا صرف ایک مطلب ہے کہ نوجوان ذھن الجھے یا بھٹکے نہیں اور انھیں آپکی دیے ہوئے حوالے کے بارے میں تمام پس منظر معلوم ہو۔ میرا مقصد کسی بھی صورت میں آپکی علمیت و قابلیت کو چیلنج کرنا نہیں اور نا ہی بحث برائے بحث مقالمہ کرنا ہے۔
آپکا یہ ارشادِ گرامی ُ ُ۔۔۔۔ ۔ آج کل لوگ جہاد کے لئے جن آیات سے استنباط کرتے ہیں اور دلائل لاتے ہیں وہ سارے کے سارے سیاق و سباق سے ہٹے اور بعض اوقات متضاد ہوتے ہیں ۔ ۔ ان میں اکثر آیات اس وقت کے مشرکین مکہ کے ساتھ خاص تھے اور یہ لوگ اسے آج کے حالات پر چسپاں کرنے کی غلطی کررہے ہیں ۔‘‘ اس بارے عرض ہے۔ بیشک دشمن سے لڑ کر جہاد کرنا افضل جہاد ہے ۔ جو اسلام میں جہاد سے انکار کرے وہ اسلام سے خارج ہوجاتا ہے ۔ مگر جہاد کے بھی کچھ اصول و ضوابط ہوتے ہیں اور یہ فیصلہ بھی کہ یہ کن صورتوں میں ناگزیر اور فرض لازم ہوتا ہے اور اس کا فیصلہ (فتوایٰ) کون دیتا ہے یہ کن پہ فرض لازم ہوتا ہے وغیرہ وغیرہ۔ اور پھر جہاد میں اپنے سے کمزوروں ، بچوں ، خواتین ؛ بوڑھوں ، پناہ میں آئے ہوئے غیر مسلموں، قیدیوں، فصلوں، باغات، آبادیوں وغیرہ جسکی لمبی فہرست ہے کے بارے سلوک کا خیال رکھا جائے وغیرہ۔۔
عین ممکن ہے کہ میری یہ رائے غلط ہو مگر میری ذاتی رائے میں جس قوم کی 80 فیصد آبادی ان پڑھ ، 56 فیصد آبادی غربت یا غربت کی آخری حدوں سے نیچے بھوک برداشت کرنے پہ مجبور ہو جہاں ہر دن دہاڑے قتل و غارت ۔ اغواء برائے تاوان ۔ زنا بالجبر ھوتے ہوں ۔ جہاں امنِ عامہ کا یہ عالم ہو کہ سرِشام ملک کی ساری آبادی قلعہ بند ہو کر اپنے گھروں بند ہوجانے پہ مجبور ہو ۔ جہاں بستیوں کی بستیاں ، شہروں کے شہر اندھیروں میں ڈوبے رہیں اور بقول بی بی سی ُ ُدنیا میں اس وقت دو سو سے زائد ممالک ہیں۔ ان میں سے ایک ملک ایسا بھی ہے جو روس سے کم از کم دس گنا چھوٹا ہے لیکن جس کا نہری نظام روس کے نہری نظام سے تین گنا بڑا ہے۔
یہ ملک دنیا میں مٹر کی پیداوار کے لحاظ سے دوسرے، خوبانی، کپاس اور گنے کی پیداوار کے لحاظ سے چوتھے، پیاز اور دودھ کی پیداوار کے لحاظ سے پانچویں، کھجور کی پیداوار کے لحاظ سے چھٹے، آم کی پیداوار کے لحاظ سے ساتویں، چاول کی پیداوار کے لحاظ سے آٹھویں، گندم کی پیداوار کے لحاظ سے نویں اور مالٹے اور کینو کی پیداوار کے لحاظ سے دسویں نمبر پر ہے۔ یہ ملک مجموعی زرعی پیداوار کے لحاظ سے دنیا میں پچیسویں نمبر پر ہے۔ اسکی صرف گندم کی پیداوار پورے براعظم افریقہ کی پیداوار سے زائد اور برِ اعظم جنوبی امریکہ کی پیداوار کے برابر ہے۔ یہ ملک دنیا میں صنعتی پیداوار کے لحاظ سے پچپنویں نمبر پر ہے۔ کوئلے کے زخائر کے اعتبار سے چوتھے اور تانبے کے زخائر کے اعتبار سے ساتویں نمبر پر ہے۔ سی این جی کے استعمال میں اول نمبر پر ہے۔ اسکے گیس کے زخائر ایشیا میں چھٹے نمبر پر ہیں اور یہ دنیا کی ساتویں ایٹمی طاقت ہے۔
پھر بھی اس ملک کی تہتر فیصد آبادی کی آمدنی دو ڈالر روزانہ سے کم ہے۔ دن کا آدھا وقت یہ ملک بجلی سے محروم رہتا ہے۔ آٹے کے لیے قطاریں لگتی ہیں اور خودکشی کی وجوہات میں اب غربت اور بھوک بھی شامل ہوگئی ہے۔‘‘۔جہاں ڈاکخانے کے ڈاکیے سے لیکر ملک کے صدر تک کی ُخدمت‘ کیے بغیر آپ کے جائز ترین اور انتھائی ناگزیر امور و مسائل حل نہیں ہوتے۔ جہاں غربت اور افلاس کے ھاتوں جسم اور جان کا رشتہ برقرار رکھنے کے لئیے روٹی کے ھر ھر لقمے سے کسی نا کسی حوالے سے رزقِ حرام کی بُو آتی ہو اور وہاں کون دشمن سے لڑنے جہادِ اکبر کو جائے؟ اور کن بنیادوں پہ ؟ کیا ہم اچھے مسلمان ہیں اس وجہ سے؟۔ تو میں سمجھتا ہوں اس ملک کے لوگوں کو تو ہر قدم۔ ھر دن۔ ھر جگہ جہاد درپیش ہے ۔ کیا یہ بہتر نہیں کہ ھم اور ھمارے دینی رہنما روزمرہ کے ان چھوٹے جہادوں کے بارے میں کوئی لائحمہ عمل واضح کریں اور مطلوبہ نتائج حاصل کرنے کے لئیے قوم کی رہنمائی کریں کہ اتنے بڑے سنگین بحرانوں سے نمٹنے کے لئیے کسظرع جہادی بنیادوں پہ مل جل کر کام کیا جاسکتا ہے ۔ کہ بھوک اور کفر میں بہت باریک فرق ہے۔

بہر حال یہ میری ذاتی رائے ہیں جو غلطی پہ بھی مبنی ہو سکتی ہے ۔
خیر اندیش
جاوید گوندل ۔ بآسیلونا ، اسپین

بہت بہت شکریہ ۔ اللہ سبحان و تعالٰی آپکو جزائے خیر دے اور آپکے علم میں اضافہ فرمائے۔