میرا پاکستان

Random picture

حکومتی بنچوں پر مگر وزارتوں سے انکار

January 7th, 2011

مصنف admin ذمرہ Uncategorized

پتہ نہیں یہ کونسی سیاست ہے کہ ایم کیو ایم نے حکومتی بنچوں پر بیٹھنے کی حامی بھر لی ہے مگر وزارتیں قبول کرنے سے انکار کر دیا ہے۔ یعنی حکومت کا ساتھ بھی دینا ہے اور حکومت کا حصے دار بھی نہیں بننا۔ جب ایم کیو ایم نے حکومت سے الگ ہونے کا اعلان کیا تو ہمیں اسی وقت یقین تھا کہ ایم کیو ایم حکومت سے زیادہ دن الگ نہیں رہے گی کیونکہ ایم کیو ایم اپوزیشن میں بیٹھنے کی عادت عرصے سے بھول چکی ہے۔ حکومت ن لیگ کی ہو، ق لیگ کی یا پی پی پی کی ایم کیو ایم بناں کسی نظریاتی اختلاف کو ذہن میں لائے حکومت میں شامل ہونا اپنا فرض عین سمجھتی ہے۔ اب دیکھنا یہ ہے کہ اگلی حکومت میں ایم کیو ایم کس کیساتھ شامل ہوتی ہے۔

Related Posts

7 users commented in " حکومتی بنچوں پر مگر وزارتوں سے انکار "

Follow-up comment rss or Leave a Trackback

ندیم said,

in January 8th, 2011 at

پاکستان مسلم لیگ نون کے قائد نواز شریف نے ملک میں جاری سیاسی بحران کے تناظر میں حکومت کو تین دن کا الٹی میٹم دیتے ہوئے اصلاحِ احوال کا مطالبہ کیا ہے۔
انہوں نے کہا کہ بہتّرگھنٹوں میں مسلم لیگ (ن ) کے مطالبات کا جواب ہاں یا ناں میں دیا جائے۔ نواز شریف کا کہنا تھا کہ اگر اُن کے مطالبات پورے نہ کیے گئے تو اُس صورت میں صوبہ پنجاب سے پیپلز پارٹی کو حکومت سے الگ کر دیا جائے گا۔
نواز شریف کا کہنا تھا کہ حکمراں اتحاد میں شامل جمعیت علمائے اسلام اور متحدہ قومی موومنٹ حکومت کی طرف سے وعدے پورے کیے جانے اور بہتر طرز حکومت نہ ہونے کی وجہ سے اتحاد سے علیحدہ ہوئی ہیں جبکہ اُن کی جماعت کچھ ماہ کے بعد ہی حکومت سے علیحدہ ہوگئی تھی۔
رانا ثناء اللہ کا کہنا تھا کہ مسلم لیگ نواز کا موقف ہے کہ کسی غیر آئینی اور غیر قانونی طریقے سے جمہوریت کو ڈی ریل نہیں ہونے دیا جائے گا۔

ابوسعدخان(تلخابہ) said,

in January 8th, 2011 at

کیا آپ نے تھوکتے ہوئے چاٹنا سنا ہے؟ نہیں‌ تو یہ کل ایم کیو ایم نے کرکے دکھایا۔ لیکن ایک ایم کیو ایم ہی کیا یہاں کون ہے جو ایسا نہ کرتا ہو۔ وہ سندھ کا بدمعاش وزیر داخلہ جو کل تک بکواس کرتا رہا آج کا بیان پڑھ لیں۔ یہ سیاستدان تو اس قابل ہیں‌کہ یہ منہ کھولیں‌ تو کوئی بندہ خدا ان کے منہ میں‌گوبر ڈال دے تاکہ ان کا منہ غلاظت سے بھرے اور بند رہے۔

نوازچوہدری said,

in January 8th, 2011 at

ايم کيو ايم کی واپسی جمہوريت، سندھ اور پاکستان کے مفاد ميں ہے۔ حکومت کرنا پي پی پی کا جمہوری حق ہے اور اس سے اختلاف بھی مخالفين کا جمہوری حق ہے۔ وزارت سے نکالنے پر حکومت سے عليحدگی اور پيٹرول کی قيمت ميں اضافہ پر اتحاد سے باہر ہونے کے فرق کو سمجھنا ہوگا۔ ن ليگ کی پی پی پی کو پنجاب حکومت سے نکالنے کی دھمکی تین سال ليٹ ہے۔ پاکستان کے ’آقا‘ ابھی پی پی پی، ايم کيو ايم اتحاد کے حق ميں ہيں۔ ن ليگ کی حاليہ سياست شيخ مجيب الرحمان کی سياست سے مشابہت رکھتی ہے۔

دانیال دانش said,

in January 8th, 2011 at

ایم کیو ایم الیکشن سے قبل حکومت چھوڑ دے گی۔

مگر یہ بات تو سچ ہے کہ وہ اقتدار میں بھی رہتی ہے ۔اور ناانصافیوں کا رونا بھی روتی ہے ۔منافقت کی انتہا ہے ۔

in January 8th, 2011 at

حکومت سے الگ ہونا کوئی خالہ جی کا گھر ہے

عبداللہ said,

in January 12th, 2011 at

ایم کیو ایم کو حکومت میں رکھنا ہر حکومت وقت کی مجبوری ہوتی ہے کیونکہ ان کے پڑھے لکھے اراکین اسمبلی کے کیئے ہوئے اچھے کاموں کا کریڈٹ بھی تو حکومت وقت کو لینا ہوتا ہے!!!!!
ابو سعد خان وہ سندھ کابدمعاش وزیر داخلہ جو بکواس کرتا رہا تھا اسی کے بھرے میں آکر تو تمھارے دہشت گردپکڑے گئے ہیں،اسی لیئے ذہر ورگا لگ رہا ہے وہ تمھیں!
🙂

جاوید گوندل ۔ بآرسیلونا ، اسپین said,

in January 12th, 2011 at

میٹھا میٹھا ہپ ہپ۔ کڑوا کڑوا تُھو۔ یہ ایک قیو ایک کی سرشت میں شامل ہے۔

Leave A Reply

پاکستان زندہ باد

ایوارڈ

فعال ترین بلاگ۔ 2008ء

منتخب ویڈیو

زمرے

محفوظات

عمر رفتہ

مشہور تحاریر

ساتھی بلاگرز

کیلنڈر

©2011 میرا پاکستان
آپ اس ویب سائٹ کا حوالہ دے کر اس کی کوئی بھی تحریر کاپی کرکے چھاپ سکتے ہیں۔ Original from: http://www.mypakistan.com/ Copyright MyPakistan`s Stuff - All Rights Reserved