لال مسجد ۔ جامعہ فریدیہ اور جامعہ حفصہ کا کوئی مسئلہ تھا ہی نہیں ۔ اسے نااہل اور خود سر پرویز مشرف کے غلط اقدامات نے مسئلہ بنایا ہے ۔ اگر بلاوجہ اچانک مسجدیں نہ گرائی جاتیں اور جامعہ فریدیہ اور جامعہ حفصہ کو گرانے کے نوٹس نہ دیئے جاتے اور جامعہ فریدیہ کے طالبعلم بلاوجہ گرفتار نہ کئے جاتے تو یہ مسعلہ پیدا ہی نہ ہوتا ۔

ایک ڈرامہ [میرے خیال میں] رچایا گیا تھا جس میں بارہ کہو میں ایک سی ڈی شاپ کی کچھ سی ڈیز وغیرہ کو آگ لگائی گئی ۔ بارہ کہو لال مسجد اور جامعہ حفصہ سے کافی دور ہے اور جامعہ فریدیہ سے تو اور بھی دور ہے ۔ وہاں کوئی مدرسے کا طالبعلم نہیں گیا تھا لیکن پولیس نے جامعہ فریدیہ کے 11 طالبعلم گرفتار کر کے ان کے خلاف دہشتگردی کا مقدمہ درج کر لیا ۔ سی ڈی اے کا ملازم ایک پلمبر فارغ وقت میں اسلام آباد میں رہنے والے ہم تمام بہن بھائوں اور کزنز کا کام پچھلے پندرہ سال سے کرتا ہے ۔ اس کا بیٹا لال مسجد کے قریب ایک بس سٹاپ پر اترا تو اسے ایک دوست مل گیا اور اسے قریبی چائے ہوٹل میں لے گیا ۔ جب وہ چائے پی کے نکلے تو پولیس نے ان کو گرفتار کر کے تھانہ میں بند کر دیا ۔ پلمبر بچارے نے گھر گھر سے امداد اکٹھی کر کے پولیس کا مطالبہ پورا کیا اور بیٹا ضمانت پر رہا ہوا ۔

مسئلہ کی ابتداء اس طرح ہوئی کہ جب پرویز مشرف نے امریکہ کو خوش کرنے کیلئے وزیرستان میں پہلا کُشت و خون کیا ۔ اخباروں میں متزاد خبریں چھپیں ۔ ایک میں – – – فوجی شہید ہو گئے لکھا گیا اور ایک میں – – – شہری شہید ہوئے ۔ لال مسجد کے قریبی علاقہ کے کچھ لوگوں نے مولوی عبدالعزیز کے پاس جا کر پوچھا کہ شہید کون ہے فوجی یا شہری ؟ مولوی عبدالعزیز نے دارالافتاء کا اجلاس بلایا اور ہفتہ عشرہ بعد بتایا کہ مسلمان آپس میں لڑیں تو کوئی شہید نہیں ہوتا ۔ دوسرے دن دی نیوز ۔ ڈان اور جنگ میں جلی حروف میں چھپا کہ مولوی عبدالعزیز نے کہا ہے کہ پاکستانی فوجی شہید نہیں ۔ دارالافتاء کے اجلاس میں شامل نو تعلیم یافتہ مولویوں بشمول عبدالعزیز کے خلاف اسی دن دہشتگردی کے مقدمات درج کئے گئے اور ان کی گرفتاری کیلئے پولیس نے چھاپے مارنے شروع کر دیئے ۔ اس دوران ایک رات دو بجے پولیس کی بھاری نفری نے جامعہ حفصہ کو گھیرے میں لے کر دھاوا بول دیا اور طالبات جو ہوسٹل میں سوئی ہوئی تھیں ان پر تشدد کیا۔ کہا گیا کہ پولیس مولوی عبدالعزیز کو ڈھونڈ رہی تھی ۔ دلچسپ حقیقت یہ ہے کہ وہاں کسی مرد کو بشمول مولوی عبدالعزیز کے جانے کی اجازت نہ تھی ۔

باربار حکومتی کارندے ان کے ساتھ مذاکرات کرتے ہیں اور جو کچھ مان جاتے ہیں اس پر کوئی عمل نہیں کیا جاتا ۔

افضل صاحب آپ نے اس پوسٹ میں ایک بار پھر جانب داری دکھاتے ہوئے غلط بیانی کی ہے آپنے ایک بار پھر ایم کیو ایم پر الزام لگایا ہے یعنی اردو بولنے والوں پر الزام لگایا ہے،اور آپنے جس طرح مشرف کی تصویر والی پوسٹ کو ایم کیو ایم کے اوپر لا کھرا کیا ہے اس کے لیئے آپ کی زہانت کی داد نہ دینا نا انصافی ہو گی،پیپلز پارٹی اور نواز شریف صرف اسی ایجینڈے پر ایک ہوئے ہیں کہ مشرف ہٹاؤ،اس کے بعد جو جوتیوں میں دال بٹے گی اور حکومت کے لیئے آپس میں جو جوتم پیزارہوگی اس کا اندازہ سب کو بخوبی ہے،بہر حال ہمیں اعتراض صرف اس بات پر ہے کہ اپ بھی وہی زہر لوگوں کے زہن میں گھول رہے ہیں جو پاکستان دشمن قوتیں چاہتی ہیں کہ اردو بولنے والوں کو انٹرنیشنلی دہشتگرد ثابت کرکے مشرف کو ان کا لیڈر ثابت کیا جائے اور اسے حکومت سے ہٹادیا جائے،آپ بھی اپنی چالیں چلیئے اللہ سب دیکھ رہا ہے اور وہ بہترین انصاف کرنے والا ہے،
بے نظیر چیف جسٹس کی آڑ میں سیاست کر رہی ہے اور نواز شریف لال مسجد اور جامعہ حفصہ کی آڑ میں،
اس کا ایک اور ثبوت یہ نعرہ ہے کالا برقعہ کالی ٹائی جنرل تیری شامت آئی،
اب آتے ہیں جامعہ حفصہ اور لال مسجد کی طرف ان کے مطالبات سے کسی کو انکار نہیں مگر انکا طریقہ کار غلط ہے رہا سوال کسی آپریشن کا تو واقعی مشرف کی جگہ کوئی اپ کے صوبہ کا جرنل ہو تا تو شائد اب تک لال مسجد کی اینٹ سے اینٹ بجا دی گئی ہو تی،
میں صرف اتنا جانتی ہوں کہ ملک میں اسلام کے نفاز سے پہلے انٹرنیشنل کمیونٹی کو اس بات پر قائل کرنا ہوگا کہ اسلام امن اور آشتی اور رواداری کا مزہب ہے جس کے ماننے والوں میں اختلاف رائے برداشت کرنے کا حوصلہ بھی ہے اور وہ جدید زمانے کے ساتھ مل کر چلنے کے اہل ہیں،بلکہ دنیا کو چلانے کے اہل ہیں،اور اس کے لیئے مسلمانوں کو اپنے دشمنوں سے پہلے خود اپنے آپ سے لڑنا ہوگادنیا کو اسلام کی حقانیت دکھانے کے لیئے اپنے آپ کو بدلنا ہوگا ہم چاہتے ہیں کہ ساری دنیا کے مسلمان ایک ہو جائیں لیکن اپنے ارد گرد جو لوگ ہیں ان سے جڑنے اور ایک ہونے کی کوئی کوشش نہیں کرتے بلکہ جتنا ہو سکے نفرتوں کے بیج بونے کی کوشش کرتے ہیں،دوسروے کو صحیح ہو نے کی نصیحت کرنا جتنا آسان ہو تا ہے خود کو صحیح کرنا اتنا ہی مشکل ہوتا ہے،اور یہی مشکل کام جب مسلمان شروع کردیں گے تو آگے کے معاملات خود بخود صحیح ہوتے چلے جائیں گے،سی ڈیز جلانا مسئلے کا حل نہیں مسئلے کا حل یہ ہے کہ لوگوں کو یہ بتایا جائے کہ جتنا حرام شراب پینا اور سور کھانا ہے اتنا ہی حرام کسی کے جسم پر نگاہ ڈالنا ہے میں دو بیٹے اور چار بیٹیوں کی ماں ہوں میرے بچے انڈین فلمیں اور گانے نہیں دیکھتے کیونکہ میں نہیں دیکھتی ہر گند اور غلاظت سے بچتے ہیں کیونکہ اللہ کے کرم سے مینے ان کے دل میں کراہیت کو بچپن سے پیدا کیاقرآن اور حدیث کے دلائل سے، آج وہ تعلیمی لحاظ سے ہی نہیں اخلاقی لحاظ سے بھی اپنی درسگاہوں میں نمایاں مقام رکھتے ہیں الحمدللہ انکی جنرل نالج کو چیلنج کرنا لوگوں کے لیئے مشکل ہوتا ہے، اسی طرح جب انہیں یہ حدیث پتہ چل گئی کہ فحش گوئی کرنے والا قیامت کے دن اللہ تعالی کے سامنے کتے کی شکل میں پیش ہوگا اور اللہ اس پر رحمت کی نظر ڈالنا بھی گوارا نہ کرے گا تو ان کے لیئے اس سے بچنا آسان ہو گیا،مختصر یہ کہ جب ماحول صحیح ملے ماؤں کا کام صحیح ہو تو امیریکہ اور لندن میں پلنے والے بچے بھی غلاظت سے بچ جاتے ہیں ورنہ مدرسے اور مساجد بھی غلاظت سے بھر جاتے ہیں،
جب اللہ فرماتا ہے کہ تم میری طرف چل کر آؤ میں تمھاری طرف دوڑ کر آؤں گا تو یہ صرف نماز روزہ یا آخرت کا معاملہ نہیں ہے یہ تو زندگی کے ہر مرحلے میں آپ محسوس کریں گے کہ آپ اس کے کہے کسی کام پر چلتے ہیں تو وہ آپ کی طرف دوڑتا ہے وہ رب مہربان، بات صرف خلوص نیت کی ہے اور بس،

مہر افشاں صاحبہ
آپ نے تو بداعتمادی کی حد ہی کردی ہے۔ اب ہمیں‌آپ کو یہ بھی صفائی پیش کرنا پڑے گی کہ ایم کیو ایم کی پوسٹوں سے اوپر دوسری پوسٹ کیسے آگئی۔ ہم نے پاکستانیت ڈاٹ کام پر ایک پوسٹ پر اپنا تبصرہ چھوڑا اور لوگوں نے ادھر سے ہماری اس پوسٹ کو پسند کیا اور وزٹ کرنا شروع کردیا۔ آپ چاہیں‌توہم آپ کو اس کا ثبوت بھی پیش کرسکتے ہیں۔ ویسے اس پوسٹ کا لنک مندرجہ ذیل ہے
http://pakistaniat.com/2007/05…lag-diplomacy-check-checkered/
اس شخص سے بحث کرنا فضول ہے جو آپ پر اعتماد نہ کرے اسی لیے ہم نے آپ کے لمبے چوڑے تبصرے پڑھنے ہی چھوڑ دیے ہیں اور فیصلہ قارئین پر چھوڑ دیا ہے۔
آئندہ ہم آپ کے تبصرے پر تبصرہ کرنا وقت کا ضیاع سمجھیں‌گے۔ خدا کیلیے اپنے ذہن کو وسعت دیجئے اور تنگ نظری سے پرہیز کیجئے۔

افضل صاحب جہاں صرف اور صرف مفروضات پر زہر گھولا جا رہا ہو وہاں اعتبار کیسا،
آپنے صحیح فرمایا غلطی میری ہی ہے جو ایک بار پھر آپ سے کانٹیکٹ کیا،میں اس غلطی کے لیئے تہہ دل سے آپ سے معافی کی خواستگار ہوں جو لوگ سچ سننا ہی نہیں چاہتے ان کو سنانا ایسا ہی ہے جیسے کسی بہرے سے بات کرنا،آپ لوگ اپنی ڈیڑھ اینٹ کی مسجد میں خوش رہیئے اور اپنی صوبائیت کو پاکستانیت سمجھتے رہیئے،وسلام،